ஓன்றுபட்ட நாளையை நோக்கி: தமிழ்பேசும் புலம்பெயர் இலங்கையர் மகாநாடு, 17-18 டிஸம்பர்,2016.லண்டன்  

இலங்கையில் பெண்களின் வாழ்வு நிலை-
முக்கியமாக வட கிழக்கு,மலையகப் பிரதேசங்களில் வாழும் தமிழ்ப்; பெண்களின் நிலைகள்
இன்று,இலங்கையில் எங்கள் தமிழ்ச் சமுதாயம்,கடந்த மூன்று தசாப்தங்களாகத் தொடர்ந்த பேரழிவுகள்,இழப்புக்கள்,இன்னல்கள்,எதிர்காலத்தைப் பற்றிய நம்பிக்கையின்மை என்னும் பற்பல காரணிகளால் மிகவும் சோர்ந்துபோன, தொடரும் வலிதாங்கும் தாங்கிகளாக அல்லற்படுகிறது.
தங்கள் சமுதாயத்தின் அவலதிற்குக் காரணமான அரசியல் சக்திகள் துன்பப்படும் தமிழ் மக்களின் துயர்திர மிக மிக அவசியமாகப் பல திட்டங்களைக் கொண்டு வருவது அத்தியாவசியமாக எதிர்பார்க்கப் படுகிறது. ஒரு சமுதாயத்தின், பாதுகாவலார்கள்,சட்டதிட்ட வல்லுனர்கள், கல்வியின் மேம்பாட்டை மட்டுமல்லாது ஒரு ஸ்திரமான எதிர்கால சந்ததிக்கு வழிகாட்டும் கல்விமான்கள், மக்களின் ஆத்மிக வளர்ச்சிக்கும் வாழ்வுக்கும் நல்வழி காட்டும் சமயவாதிகள்,பொதுமக்களின் நலனை ஒரு அரசியல் சார்பற்று அணுகும் பொதுநல ஸ்தாபனங்கள்,ஒரு சமுதாயத்தின் பெருமைக்கு ஆணிவேராகவிருக்கும் அறிவும் ஆற்றலுமுள்ள பெண்ணியவாதிகள் அனைவரும் ஒன்று சேர்ந்து எங்கள் தமிழ்ச்சமுதாயத்தின் ஆளுiமையான செயற்பாடுகளை,மீள்கொண்டுவருவது இன்றைய தலையாய கடமையாக எதிர்பார்க்கப் படுகிறது.
 இக்கட்டுரை எழுதுவதன் நோக்கம். இதைப்படிக்கும் ஒரு சிலரரின் சிந்தனையையாவது தட்டி எழுப்பி, அல்லற்படும் எங்கள்; இலங்கைத் தமிழ் ஏழைப் பெண்களின் வாழ்வு மேம்பட ஆக்கபூர்வமாக ஏதும் செய்வார்கள் என்ற நம்பிக்கைதான். ஆதிகாலம் தொடக்கம்,பெண்களின் ஆத்மார்த்தமான சமுதாயப் பணிகள் மற்றவர்களால் மதிக்கப்படும்,ஒடுக்கப் பட்ட பெண்களையும், மற்றவர்களையும் தட்டி எழுப்பும் என்பதைப் பல சரித்திரச் சான்றுகள் எங்களுக்குப் பறை சாற்றுகின்றன.
 உலகத்தில். அண்மைக் காலங்களில் கடந்த அரசியல் பொருளாதார, இயற்கை அனர்த்த மாற்றங்;களை ஒரு சமுதாயம் முகம் கொடுக்கும்போது அதில் பாதிக்கப் படுபவர்கள் பெண்களும் குழந்தைகளும் என்பதைப் பலரும் அறிவார்கள். ஆயிரவருடங்கள்; வளர்ந்து திளைத்த சரித்திரம் சட்டென்று வரும் மேற்குறிப்பிட்ட மாற்றங்களால் ஒரு சில மாதங்களில்,அல்லது ஒரு சில நாட்களில்  சிதறிப் போவது அவற்றை முகம் கொடுத்த தமிழ் சமுதாயத்திற்குத் தெரிந்த விடயங்கள்.
இந்தச் சிறு கட்டுரை, கடந்த சில தசாப்தங்களாக நடக்கும் பற்பல மாற்றங்களால்,தங்களின்,வாழ்வாதாரம், கல்வி, பாதுகாப்பு. சுயமை என்பற்றை இழந்து நிற்கும் இலங்கையிலுள்ள எங்கள் தமிழ்ப் பெண்களின் பிரச்சினைகளைத் தீர்க்க,அவர்களின்;,வாழ்வாதாரத்தை மீண்டெடு;ப்பதில் அவர்கள் எதிர் நோக்கும் நடைமுறைப் பிரச்சினைகள், அவற்றை நிவர்த்திசெய்ய அல்லது மாற்றியமைக்க உள்ள வழிகள் என்பனவற்றை, ஆராய்கிறது. அதற்கு,முன்னுதாரணமாக, உலகில் பல போராட்டங்களை எதிர்நோக்கிய,பங்கு பற்றிய, பெண்களின் நிலையை முற்போக்குக் கண்ணோட்டத்தில் மாற்றியமைத்த பெண்கள் சம்பந்தப்பட்ட சரித்திரத்தையும் திரும்பிப்பார்க்கிறது..
 உலகம்,இன்று பொருளாதார, விஞ்ஞான, ரீதியில் மிகப் பிரமாண்டமான வளர்ச்சியை நோக்கிச் சென்று கொண்டிருக்கிறது. ஆனால், ஓட்டுமொத்த உலக வரலாற்றையும் எடுத்துக்கொண்டால்,இலங்கைத் தமிழ்ப் பெண்கள் மட்டுமல்லாது, பல நாடுகளைச் சேர்ந்த பெண்களின் நிலை,சமத்துவமான விதத்தில் முன்னேற்றம் அடைந்து விட்டதா என்றால் அதற்குச் சட்டென்று,’ஆம்’ என்று பதில் சொல்வதற்குப் பல தடைகள் இருக்கினறன.
-அமெரிக்க சுதந்திரப் போராட்டம்:
உலக அலசியல்,பொருளதாரா.கலாச்சார பெருமாற்றங்களுக்குப் பெண்கள,; ஆண்களுடனும், தனியாகவும் நடத்திய போராட்டங்கள் காரணிகளாக அமைந்தன. பிரித்தானியாவிடமிருந்து சுதந்திரமடைய அமெரிக்க மக்கள் 1776-1783 வரை போராடினார்கள.அக்கால கட்டத்தில், அங்கிருந்த பெண்களும், ஆரம்பத்தில் ஆண்களுடன் சேர்ந்து போர்க்களத்துக்குப் போராளிகளாகப் போகாமல்,இலங்கைத்தமிழ்ப் பெண்கள் மாதிரியே,தங்களின் சுதந்திற்காகப் பல வகைகளிலும் போராடினார்கள்.
 ஆனால் கால கட்டம் மாறியபோது,தங்களின் விடுதலைக்காக, இலங்கைத் தமிழ்ப் பெண்கள், ‘விடுதலைப் போரின்’ ஆரம்பகட்டத்தில் பல வழிகளில் தங்களையிணைத்துக் கொண்டதையும் தாண்டி போராளிககளாக மாறினார்கள். அதேபோல.சுதந்திரப்போர் உக்கிரமடைந்தபோது, அமெரிக்கப் பெண்கள் (ஆண்;கள்மாதிரி ஆடையணிந்துகொண்;டு) தங்கள் விடுதலைக்குப் போரடினார்கள் என்று சரித்திரம் சொல்கிறதது.
 இலங்கைப் பெண்கள் மிகவும்; பலமான சமய,கலாச்சார,கோட்பாடுகள்,,ஆண்கள்தான் சமுகத்தின் பாதுகாவலர்கள், பெண்கள் அவர்களின் கட்டளையைப் பின்பற்றவேண்டும் என்று மறைமுகமாகப் பின்னிப் பிணைக்கப்பட்ட கலாச்சாரக் கட்டுப்பாட்டுமுறையைக் கொண்டவர்கள்; அந்தக் கட்டுப்பாடுகளையும் தாண்டிவந்த தமிழ்ப்பெண்கள் போர்க் களத்தில் தளபதிகளாக நின்று கடந்த முப்பது ஆண்டுகளாகப் பல இராணுவப் பிரிவுகளில் படையை நடத்திப் போர் புரிந்திருக்கிறார்கள்.
-பிரான்சிய புரட்சி:
தங்களுக்குச் சமத்துவம் தராத இலங்கை அரசுக்கு எதிராகத் தமிழ் மக்கள் திரண்டதுபோல்,தனது ஆடம்பரவாழ்வுக்கான செலவுக்கு அதிக வரிகளைச் செலுத்தவேண்டுமென்று பிரான்சிய பொதுமக்களைக் கொடுமை செய்த மன்னனுக்கெதிராக பிரான்சிய பொதுமக்கள் கொதித்தெழுந்தபோது(1789-99) அதில் கணிசமான அளவிற் கலந்து கொண்டவர்கள் பெண்களாகும். இவர்கள், அந்தக்காலத்தில் மக்களின் விழிப்புணர்ச்சியை ஏற்படுத்தத் தனது எழுத்தைப் பாவித்த முற்போக்குச் சிந்தனையாளர்,ஜீன் ஜக்கியூஸ் றொஸ்ஸொ(தநயn-தயஉஙரளந  சழரளளநயர-1712-1778)  அவர்களின்,’ மக்களை ஒடுக்கி வைத்திருக்கும் பழையகால அரச,அதிகார முறைகளைத் தூக்கியெறிந்த சமத்துவமான வாழ்க்கைமுறையை’முன்னெடுக்கும் அறிவுரைகளைத் தங்கள் போராட்டிற்குப் பயன் படுத்தினார்கள்.
-இரஷ்ய புரட்சி:
இலங்கைத் தமிழ் மக்கள் தங்களை ஒடுக்கும் அரச ஆதிக்கத்துக்கு எதிராகப் போராடியதுபோல், இரஷ்யாவிலும் அரச ஆதிக்கவர்க்கத்தால் ஒடுக்கப்பட்ட பொதுமக்களும் சோசலிச சமத்துவக் கோட்பாடுகளுடன் போராடி வெற்றி பெற்றார்கள்(1914–1917).இந்தப் போராட்டத்திலும்,250.000பெண்கள் பங்குபற்றினார்கள். போராட்டம் வெற்றி பெற்றதும் பொதுமக்களுக்கான நிர்வாகத்தில். தொழிலில், கல்வியில். துலைமைத்துவத்தில் பெண்களின் பங்கு,சமத்துவமாக இருக்கவேண்டுமென்று, இனஸா ஆர்மென்ட்,  நடேஷா குருப்ஸகயா( ஐநௌளய யுசஅநவெஇயேனநணாய முசரிளமயலய) போன்ற பெண்ணிய ஆர்வலர்கள் வாதாடினானன்கள்.
-இந்தியப் போராட்டத்தில்,
பங்கு பற்றிய பெண்ணியவாதிகளான, சரோஜினி நாயுடு, பேகம் றொக்கியா போன்றவர்கள் பெண்களின் முன்னேற்றத்திற்காகச் செய்த பணிகள் மாதிரி,இலங்கைத் தமிழ்ப் பெண்களின் முன்னேற்றத்திற்கு இலங்கைப் போராட்டத்தில் ஈடுபட்ட பெண்களால் பெரிதாக ஒன்றம் செய்யமுடியாதிருப்பதற்குப் பல தடைகள் உள்ளன.
-இலங்கையிற் தமிழரின் சாத்வீகப் போராட்டம்
இலங்கைத் தமிழர், இலங்கையரசு தமிழர்களை அடக்குவதை எதிர்த்துச் சத்தியாக்கிரகப் போராட்டத்தை 1956ல் தொடங்கினார்கள். கணிசமான பெண்களும் இதில் பங்கெடுத்தார்கள். ஆனால் அரச ஆதிக்கத்துக்கு எதிரான வல்லமையான ஆயதமாகச் சத்தியாக்கிரகத்தைப் பாவித்த இந்தியாவைப்போல் இலங்கையில் தமிழர் எடுத்த சத்தியாக் கிரகம் வெற்றிபெறாமல்,அரச தந்திரத்தால் முறியடிக்கப்பட்டது.பெண்களையும் அரசியலையும் எடுத்துக் கொண்டால்,உலகத்திலேயே முதற் பெண்பிரதமராக,திமதி ஸ்ரீமாவோ பண்டாரநாயக்காவை 1960ல் இலங்கை மக்கள் தெரிவு செய்தார்கள்.அந்த விடயத்துக்கும், பெண்கள் இலங்கையில் பல துறைகளிலும் சமத்துவமாக இருக்கிறார்ளா என்று ஆராய்வுக்கும் பல வித்தியாசங்களுண்டு.
-இலங்கையின் அரசியல் யாப்பின்படி, இலங்கையிலுள்ள அத்தனை மக்களும் அவர்களின், சாதி,மத, இன,வயது,பால் வித்தியாசமின்றி சமமாக நடத்தப்படவேண்டும் என்று சொல்லப் படுகிறது.
ஆனால், உலகின் பெரும்பாலான நாடுகளில் நடைமுறையிலிருக்கும் ஆணாதிக்க அதிகாரம் இலங்கையிலுள்ள ஒட்டுமொத்தமாக எல்லாத் துறைகளிலும் பரவியிருப்பதால் பெண்களின் முன்னேற்றம்,முக்கியமாகத் தமிழ்ப் பகுதிகளில் படுமோசமான நிலையில் பாதிக்கப் படுகிறது.

அதிலிருந்து வெளிவருவதற்கு அவர்களுக்குச் சார்பான சட்ட திட்டங்களோ அல்லது அவற்றை நடைமுறைப் படுத்தும் மனோபாவம் உள்ள அரசியல்வாதிகள், சமுகநலவாதிகள்,படித்தவர்கள்,ஊடகங்கள்; என்பன ஆதரவு கெடுக்காததால் பெண்களின் வாழ்க்கை நிலை மிகவும் கீழான நிலையை நோக்கிப் போய்க் கொண்டிருக்கிறது.
இலங்கையில் ஒட்டுமொத்தமாகப் பெண்களின் பொருளாதார, அரசியல் ஈடுபாடுகள் என்பன ஆண்களால்க் கட்டுப் படுத்தப் படுகின்றன.
இலங்கையின் சனத் தொகையில் 51 வீதத்தைக்கொண்ட பெணகள்,இலங்கையின், அரசியலில், 225 அங்கத்தவர்களுள்ள இலங்கைப் பாராளுமன்றத்தில, 6 விதமானவர்களே பெண்கள். தொழிற்துறையில் 34 விகிதமானவர்கள் இருக்கிறார்கள். இவர்களிற் பெரும்பாலோர் கிட்டத்தட்ட70 விகிதமானோர்,துணிச்சாலைகளிலும்,அழகுசாதன நிலையங்களிலும்,இறப்பர்,தேயிலை,தென்னந் தோட்டம் சார்ந்த தொழில்களைச் செய்கிறார்கள்.
பெண்களுக்கான தொழிற் சங்கங்களின் பாதுகாப்பு மிகக் குறைவு. இதையும் விட கிட்டத்தட் 500.000 பெண்கள் மத்தியதரக் கடல் நாடுகளில்,மிகவும் மோசமான சூழ்நிலைகளை முகம் கொடுத்தபடி வேலை செய்கிறார்கள் (2007ம் மனித உரிமைகள் ஸ்தாபன ஆண்டுத் தகவல்);. இவர்களிற் பெரும்பாலோர், ஏழை முஸ்லிம், சிங்களப் பெண்களாகும்.இவர்களால்,பல பில்லியன் பெறுமதியான அந்நிய செலவாணி இலங்கைக்குக் கிடைக்கிறது.
1:-போருக்குப் பின்,தமிழ்ப் பகுதிகளில்,பெண்களின் சமுக, பொருளாதார,கல்வி, தொழில் நிலைகள்.
போர்க்காலத்தில் கிட்டத்தட்ட 36.000 தமிழ்ப் போராளிகள் களத்திலிருந்தார்கள் என்று சொல்லப் பட்டது. இவற்றில் கணிசமான தொகையில் பெண்களும் ஆயதம் எடுத்திருந்தார்கள்.தொடர்ந் போரில்,  தமிழ்ப் போராளிகள் மட்டுமல்லாது,பல்லாயிரக்கணக்கான பொது மக்களும் இறந்தார்கள். பல்லாயிரம்பேர் அங்கவீனமானார்கள். இழந்த சொத்துக்கள், உடமைகள் மதிப்பீடு செய்ய முடியாதவை.இவற்றில் மிகவும் கொடுமையாகப் பாதிக்கப் பட்டவர்கள் பெண்களும் இளம் குழந்தைகளுமேயாகும்.
 தென்னாசிய நாடுகளில், 1980ம் ஆண்டுகள் வரைக்கும் பெண்களின் படிப்பு நிலையும், பெண்கள் உத்தியோகத்திற்குப்போகும் கலாச்சாரமும் வளர்ந்து கொண்டிருந்தது. அக்கால கட்டத்தில், பெண்களுக்கு உயர்கல்வி கொடுக்கும் தென்னாசிய நாடுகளில் இலங்கை முன்னலையிலிருந்தது. பொதுச் சுகாதாரம், குழந்தை நலம்,என்பவற்றிலும் முன்னிலை நாடுகளிலொன்றாகவிருந்தது.
ஆனால், கடந்த முப்பதாண்டுப் போர்ச் சூழ்நிலையில் நடந்த பல மாற்றங்களால், ஒட்டுமொத்த இலங்கையும் பாதிக்கப் பட்டாலும், பெரிய பாதிப்புக்கு முகம் கொடுப்பவர்கள் வடகிழக்கு, மலையகத்தைச் சேர்ந்த தமிழ்ப் பெண்களாகும்.
 போருக்குப் பின் எடுத்த கணக்கின்படி வடகிழக்கில் கிட்டத்தட்ட 89.000 பெண்கள் விதவையானார்கள் என்று கணக்கிடப்பட்டது. போரில் கணவனை இழந்ததாலும், போருக்குப் பின் ஒரு சிறு தொகையான துணைவர்கள் அயல் நாடுகளுக்குப் போனதாலும் வடகிழக்கில் 53 விகிதமான குடும்பங்கள் பெண்களின் தலைமையில் நிர்வாகிக்கப்படுகிறது. உழைப்புத் தேடிப் பெண்கள் வெளியிடங்களுக்குப் போவதால் குழந்தைகளின் வாழ்வில் பாதிப்பு ஏற்படுகிறது.
அண்டை நாடான இந்தியா மாதிரி, ஆண்குழந்தைகளை மட்டும் முன்னிலைப்படுத்தாமல், தங்களுக்குப் பிறந்த குழந்தையை அதன் பால் வித்தியாசம் பார்க்காமல் அன்போடும் ஆதரவோடும் பாதுகாப்பது இலங்கையரின் பண்பாடாகும். ஆனால் நடந்து முடிந்த போர்காரணமாக,இன்று நூற்றுக்கணக்கான தமிழ்க் குழந்தைகள் காப்பகங்களிலும்,அனாதை மடங்களிலும் வளர்க்கப் படுகிறார்கள்.தாய் தகப்பன் அன்பும் ஆதரவும் இல்லாமல் வளரும் இவர்களின், வாழ்க்கையின் எதிர்காலம் எப்படியிருக்கும் என்பது அவர்கள் வளர்ந்தபின்தான் தெரியும்.
பெண்களும் சீதனமும்:
இலங்கை,மக்களில் அதிலும் இளம் தலைமுறையினர், பொருளாதாரம் மட்டுமல்லாமல் வேறு பல காரணங்களாலும்;,ஒரு நாளைக்கு கிட்டத் தட்ட,270 பேரளவில் நாட்டை விட்டு வெளியேறுகிறார்கள்.இதில் பெரும்பாலோனானவர்கள் ஆண்கள். அத்துடன், தமிழ்ப் பகுதிகளில், போரில் இறந்த ஆண்கள்,போர் தொடர்ந்த காரணிகளால் உயிர் தப்பவும் அத்துடன்,, பொருளாதார ரீpதியாகப் புலம் பெயர்ந்தவர்கள்,என்ற பல காரணிகளால்,ஆண்களின் எண்ணிக்கை பெண்களின் எண்ணிக்கையைவிடக் குறைவாக இருப்பதால், மாப்பிள்ளைக்குச் சீதனம் கொடுக்க முடியாமல் பல பெண்கள் முது கன்னிகளாக வாழ்கிறார்கள்.வெளிநாட்டில் இருப்போரின் உதவியால் தங்கள் பெண்குழந்தைகளுக்கு வசதியான மாப்பிள்ளை எடுக்கவசதியுள்ளோர் ஒருபக்கமிருக்க, சீதனம் கொடுக்க முடியாத நிலையில் பல குடும்பங்களில் குழப்பங்களும்,வன்முறைகளும் நடக்கின்றன. தனிமைப் பட்ட பெண்கள், தங்கள் வாழ்வுப் பிரச்சனை மட்டுமல்லாத ஆண்களின் பாலியல் தொந்தரவுக்கு உள்ளாவதும் பரவலான முறையில் தொடர்கிறது.
பாலியற் பிரச்சினைகள்:
பெண்களின் தலைமையில் மட்டும் வாழும் குடும்பங்களில் குழந்தைகளின், படிப்பு,மனவளர்ச்சி, ஆரோக்கியமான வாழ்க்கை முறைகள் தடைபடுகின்றன.வெளிநாட்டில் வாழும் தகப்பனின் பாதுகாப்பில்லாமல் தாயின் பாதுகாப்பில் வளர்ந்த புங்கிடுதீவு வித்யா என்ற இளம் பெண் பாலியல் கொடுமை செய்யப் பட்டுக் கொலை செய்தது,பெண்களை மதிக்கத் தெரியாத, தனிமையான பெண்கள்,ஆண்களின் இச்சைக்கு இரையாகவேண்டும் என்ற குரூரமான மனப்பான்மை கொண்ட ஆண்களின் அகங்காரப் போக்கு, தற்போது உடைந்து சிதிலமடைந்திருக்கும் தமிழ்ச்; சமுதாய மாற்றத்தைக் காட்டும் உதாரணங்களில் ஒன்றாகும்.பாலியற் கொடுமைக்காளாகும் பெண்களுக்கு நீதி கொடுக்கவொ, அவர்களைப் பாதுகாகக்கவோ தேவையான சட்ட திட்டங்களளோ, பொறிமுறைகளே இலங்கையில் அரிதாகவிருக்கிறது.
மனஅழுத்தம் சம்பந்தப் பட்ட பிரச்சினைகள்:
பலதரப்பட்ட வாழ்க்கைப் பிரச்சினைகளால். தமிழ்ப்பகுதிகளில், குடிப்பழக்கம் கூடியிருக்கிறது. இதனால் வீட்டில் பெண்களுக்கெதிரான வன்முறைகள் கூடிக்கொண்டு வருகின்றன. அரசியல் பொருளாதார, இயற்கை அனர்த்தம், தனிப்பட்ட வாழ்க்கைப் பிரச்சினை பல காரணிகளால:மனஅழுத்தம் கூடிக்கொண்டுவரும் நாடுகளில் இலங்கையும் ஒன்றாகும்.இலங்கையில்,100.000க்கு 44.6விகிதமான மனிதர்கள் மன அழுத்தப் பிரச்சினைகளால்
அவதிப்படுகிறார்கள்இதில் பெண்கள் 16.8விகிதமாகும்(2008). அண்மையில் எடுக்கப் பட்ட விபரங்கள் கிடைக்கவில்லை. ஆனாலும் சொல்லுக்கடங்காத,பொருளாதார துயர்களாலும்,அதை நிவர்த்தி செய்ய அவர்களால் தெரிவு செய்யப் பட்டப் பாராளுமன்றப் பிரதிநிதிகளும், மத்திய அரசும் அக்கறை எடுத்து மக்கள் தேவைகளைச் சரியாகக் கவனிக்காததால்,அதனால் ஏற்படும், தனிப்பட்ட. குடும்பப் பிரச்சினைகளால் மக்களிடையே பல மன அழுத்தம் போன்ற வருத்தங்கள் கூடிக்கொண்டு வருகின்றன என்று சொல்லப் படுகிறது. மனநலம் சார்ந்த சுகாதார சேவைகளின் அத்தியாவசியம் கவனிக்கப்படாமல் இருக்கிறது.

பொருhதார அபிவிருத்திவேலைகள்:
எதிர்பார்த்த அளவில் முன்னேறததால், மக்களின் வாழ்க்கை நிலை, ஒட்டுமொத்த இலங்கையினரினதையும்விட மிகவும் தாழ்ந்த நிலையிலிருக்கிறது. வடக்கில், கிட்டத் தட்ட,20.000 மீனவர்கள்;, இந்திய விசைபடகுகளின் ஆக்கிரமிப்பாலும், கடற்படையினரின் தொந்தரவுகளாலும் தங்கள் வாழ்வாதாரத்தைச் சரியாகக் கொண்டு நடத்தமுடியாமற் தவிக்கிறார்கள்.
இலங்கையில் மிகவும் குறைந்தளவான குடும்பச் செலவுக்கு மாதம் 39.000ரூபாய்கள் என்றாலும் தேவையாகவிருக்கிறது. ஆனால் தமிழ்ப் பகுதிகளில் 60 விகிதமான மக்கள்,மாதம் 9.000 மட்டுமே உழைத்துப் பிழைக்கும் மக்களாகவிருக்கிறார்கள். வறுமைக் கோட்டில், வடகிழக்கின் 50 விகிதமான மக்கள் வாழ்கிறார்கள். போசாக்கற்ற தன்மையால் இலங்கைமுழுதும் 29விகிதமான கழந்தைகள் பாதிக்கப்படுகிறார்கள். இதில் கணிசமான தொகையைச் சேர்ந்தவர்கள் குழந்தைகள்.
பொருளாதார நெருக்கடியால் இலங்கையில் 40.000மேற்பட்ட பெண்கள் விபச்சாரத்திலீடுபடுவதாகச் சொல்லப் படுகிறது.வட,கிழக்கில் இந்த நிலைக்குத் தள்ளப்படும் பெண்களின் தொகை அதிகரித்தால் அதில் ஆச்சரியப்படுவதற்கொன்றுமில்லை.
2. மலையகப் பெண்களின் வாழ்க்கை நிலை.
1827ம் ஆண்டு தொடக்கம், தென்னிந்தியப் பகுதிகளான, திருநெல்வேலி, திருச்சி, தஞ்சாவூர்,போன்ற பகுதிகளிலிருந்து கொண்டுவரப்பட்ட ஏழைத் தமிழ்மக்கள், கிட்டத்தட்ட, இருநாறு வருடங்களுக்குப் பின்னும், சாதாரண அடிப்படை வசதிகள் இல்லாமலிருக்கிறார்கள். இந்தியாவிலிருந்த மிகவும் ஏழ்மையான வாழ்க்கைமுறையை மேம்படுத்த வந்த இவர்களின் பரம்பரை  இலங்கையில் சுதந்திரம் வந்த பின்னரோ, அவர்களுக்கென்று, பாராளுமன்றப் பிரதிநிதிகள் வந்ததாலோ அல்லது தொழிற்சங்கத் தலைவர்கள் முழங்குவதாலோ ஏதும் பெரிய பயனையடையவில்லை. இலங்கை அரசுக்குத் தேவையான பெருவாரியான அன்னிய செலவாணியை ஈட்டிக்கொடுக்கும் தேயிலை ஏற்றுமதிக்கு உயிர்நாடிகளாள உழைப்பாளிகளை இலங்கை அரசு இன்னும் அன்னியர்களாகவே பார்க்கிறது.  அதிலும், தோட்டப்பகுதித் தமிழ்ப்பெண்களின் நிலை, இலங்கை வெட்கப்படுமளவுக்குக் கேவலமாக இருக்கிறது.
இலங்கைச் சனத் தொகையில்,தோட்டத் தொழிலாளரின் தொகை 842.222- .இவர்களில் பெரும்பாலோர் தேயிலைத் தோட்டத்தில் தேயிலைபறிக்கும் பெண்கள். இவர்களின் சம்பளம், ஆண்களின் ஊதியத்தைவி; 20விகிதம் குறைவாக இருக்கிறது. இந்தச் சம்பளத்தையும் ஒரு பெண் பெறமுடியாது. அதை அவளின் கணவரோ, தந்தையோதான் பெரும்பாலும் பெறமுடியம்.
இந்த முறை அந்தக் காலத்தில் இங்கு வந்த இந்தியத் தமிழரிடையே பணவிடயத்தில் பெண்கள் தலையிடக் கூடாத என்ற பாரம்பரியத்தில் வந்த பழக்கமாயிருக்கலாம்.ஆனால் இது இன்னும் தொடர்கிறது.மலையக மக்களின் எழுதப் படிக்கத் தெரிந்தவர்களின் எண்ணிக்கை,76.9 விகிதமாகவிருந்தாலும்,கிட்டத்தட்ட 20 விகிதமானவர்கள் மட்டும் செக்கண்டரி படிப்பு வரைக்கும் போகிறார்கள். அதற்குமேல் படிப்பவர்கள்,2.1 விகிதம் மட்டுமே. இதில் பெண்களின் கல்வி நிலை எந்தளவு இருக்குமென்று கற்பனை செய்யவும்.
தோட்டத் தொழிலாளரின், ஒரு குடும்பத்திற்கு ஒரு அறை என்றவிதத்தில் பிரித்தானியர் கட்டிய இடங்களில்,அடிப்படை வசதிகளுமற்று வாழ்கிறார்கள். பெண்கள், ஆண்கள், சிறியோர், வளர்ந்தோர் என்ற பாகுபாடின்றி ஒரே அறையில் பெரும்பாலாரின் வாழ்க்கை தொடர்கிறது.
மலையக மக்களில் 10 விகிதமானவர்கள் மட்டும் சொந்த இடங்களில் வாழ்கிறார்கள். 13.000 குடும்பங்களுக்கு ‘ஒரு அறை’வசதிகூட இல்லாமல் தற்காலிக குடில்களில் வாழ்கிறார்கள்.
இலங்கை முழுதும் ஒரேவிதமான சுகாதாரக் கோட்பாடுகளைக் கடைபிடிக்கும் இலங்கையில் மலையக மக்களுக்கான சுகாதார சேவை திருப்தியற்றது என்று சொல்லப் படுகிறது.இதனால், அங்கு, பெண்களினதும் குழந்தைகளினதும் சுகாதாரம் மிகவும் மோசமான நிலையில் பாதிக்கப் படுகிறது என்று சொல்லப் படுகிறது.அடிப்படை வசதிகளிலொன்றான நீர்வசதி கிடையாது. மலசலகூடம் பெரும்பாலோருக்கு கிடையாது.இதனால் வரும் நோய்களால் பெண்களும் குழந்தைகளும் அடிக்கடி துன்பப்படுகிறார்கள். சிறு குழந்தைகளின் இறப்புத்தொகை ஒட்டுமொத்த இலங்கையின் சராசரியைவிட இருமடங்காகவிருக்கிறது.ஆண்டாண்டுகளாகத் தொடரும் வறுமையால், இவர்களிடையே போசாக்கற்ற தன்மை அதிகம் காணப்படுகிறது.
ஆண்கள், தலைமைத்துவத்தில் இவர்களின் வாழ்க்கை தொடர்ந்து கொண்டிருப்பதால், பெண்களுக்கென்று எந்த உரிமையும் இங்கே கிடையாது. பெண்கள் உழைப்பை ஆண்கள் தங்கள் தேவைகளான, மது.சீட்டாட்டம் போன்றவற்றில் செலவழிப்பதால் குடும்பங்களில் வன்முறை தொடர்வது நீடித்துக்கொண்டு வருகிறது.
இவர்களது, வாழ்க்கைமுறை, இலங்கைத் தமிழர்கள், சிங்களவர்களினதும் வாழ்க்கை முறைகளைவிட வித்தியாசமானது மட்டுமல்ல ஆண்களின் நிர்வாகத்துடன் மிகவும்,கட்டுப்பாதானகவிருக்கிறது.
 இவர்களின் வாழ்க்கை முன்னேற்றத்திற்குச் சில பெண்ணியவாதிகளும், அரசசார்பற்ற நிறுவனங்களும் உதவி செய்கிறார்கள் என்றாலும் அதை விடப் பிரமாண்டமான தேவைகளை நிறைவேற்ற இந்த மக்களில் மிகவும் அக்கறை கொண்ட ஒரு திறமையான அமைப்புத் தேவை.
3.-பெண்கள் இரண்டாம்தரப் பிரஜைகளாக நடத்தப்படுத்துவதற்கான காரணங்கள்:
1.சமய நம்பிக்கைகள்:
இலங்கை மக்கள்,புத்த, இந்து,இஸ்லாம்,கிறிஸ்தவம்; என்று நான்கு சமயங்களையும் சேர்ந்தவர்கள். ஓரு மனிதனின் ஆத்மீக நலனுக்குச் சமயங்கள் மிகவும் இன்றியமையாதவை. ஆனால் பெண்கள் சமத்துவமாக நடத்தப் படவேண்டும் இந்தச் சமயங்கள் சொல்கின்றனவா என்றால் அதற்கு மறுமொழி மிகவும் முன்னுக்குப் பின்னானகளாகத்தானிருக்கும். இந்து சமயத்தைப் பொறுத்தவரையில், இலங்கையில் வாழும் தமிழர்களில் பெரும்பாலோர் ‘இந்து சமயத்தவர்கள்’ என்று சொல்லப் பட்டாலும், அவர்கள் சைவசமயத்தைச் சேர்ந்தவர்கள். இரண்டுக்கும் உள்ள வேறுபாட்டைத் தெரிந்து கொள்ளாவிட்டால் தமிழ்ச் சமுகத்தில் பெண்கள் ஏன் இரண்டாம்தரப் பிரஜைகளாக நடத்தப் படுகிறார்கள் என்ற கேள்விக்குச் சரியான மறு மொழி கிடைப்பது சுலபமல்ல.
ஆதி அந்தமில்லாச் சரித்திரத்தைத் தமிழ்ப் பண்பாட்டுடன் பின்னிப் பிணைத்திருக்கும் சைவசமயம்,ஆணும் பெண்ணும் ஒன்றாகப் பரிணமித்த பெரும் சக்தியான அர்த்த நாரிஸ்வரனான-. முழுமுதற்கடவுளாக வணங்கும் சமயம். தமிழர் பண்பாட்டின் தத்துவரீதியான பல விளக்கங்களை உள்ளடக்கியது.அந்த தத்துவ ரீதயான விளக்கத்தைச் சொல்ல இந்தச் சிறுகட்டுரையில் இடமில்லை. விரும்பினால், எனது, ‘தமிழ்க் கடவுள்’ முருகன் என்ற புத்தகஸ்தைப் புரட்டிப் பாருங்கள்.
 பண்டைத் தமிழர் சரித்திரத்தில், மக்கள்; தொழில் முறையில் பிரிந்து வாழ்ந்தார்கள் (ஆதிகாலப் பிரித்தானியாவிலும் பெரும்பாலான நாடுகளில் இன்றும் இருப்பதுபோல்) சமுகத்திற்கு அச்சமுகத்தைச் சேர்ந்த ஒட்டுமொத்த மக்களினதும் உழைப்புத் தேவையாயிருந்தது. அதனால் அந்தக் கால கட்டத்தில் பாகுபாடு இருக்கவில்லை.
ஆனால், இரண்டாம் நூற்றாண்டுக்குப் பின் இந்தியாவின் வடக்கிலிருந்து தெற்குக்குப் பரவி வந்த பிராமணிய சாஸ்திரக் கோட்பாடுகளான வர்ணாஸ்ரமம் தமிழகத்தில் வேருன்றியபின் மக்களிடையே பல பிரிவுகள் உண்டாகின. இதனால் ஒருத்தரை ஒருத்தர்.வர்ணஸ்ரம பாகுபாட்டில் ஆள்மை கொள்ள சமயம் இடம் கொடுத்தது.வர்ணஸ்ரமம் பிராமணியத்தின் கோட்பாட்டுமறைகளுடன் இரண்டறக்கலந்திருப்பதுபோல்,பெண்களை இரண்டாம்தரமாக நடத்துவதும் கலாச்சார நடைமுறையாகிவிட்டது.
தமிழச் சமுகத்தில், பெண்கள் இரண்டாம் தரப் பிரஜை என்பதை நடைமுறைப் படுத்துவதற்கு,கி.மு. இரண்டாம் நூற்றாண்டில் ‘மனு’ என்ற அந்தணரால் எழுதப் பட்ட ‘மனுதர்ம சாஸ்திரம்’ பல கோட்பாடுகளை முன்வைக்கிறது. ஒரு பெண், ஆணின் தேவைகளுக்காகக் கடவுளால் படைக்கப்பட்டவளாகவும் அவள்,ஆளுமையுள்ள ஆண்களின் உடமையாகக் கருதப்படுகிறது. மனிதருக்குத் தேவையான வீட்டுப் பொருட்களைப் பாதுகாப்பதுபோல், பெண்கள்,எப்போதும் அவளின் குடும்பத்தின் ஆணின் பாதுகாப்பிலிருக்கவேண்டும் என்று சொல்கிறது.
 பெண் சிறுவயதில் தகப்பனின் பொறுப்பிலும், திருமணமானதும் கணவனின் தயவிலும், விதவையானால் மகனின் தயவிலும் வாழவேண்டுமென்ற மனு தர்ம சாஸ்திரம் சொல்கிறது.பெண்களின் சுயமையை, சுய சிந்தனையை ஆணி வேரிலேயே வெட்டி எடுக்கும் வேலையை அந்த சாஸ்திரம் சொல்கிறது.
இவர் இந்தப் புத்தகம் எழுதும்போது, இந்தியாவில் புத்தமதம் தலையாகவிருந்தது.அந்தச் சமயத்தில் சமய போதகர்களாக ஆண்களும் பெண்களும் (பிக்குணிகள்) நிறைய இருந்தார்கள்.
புத்த மதத்தினரால் அமைக்கப் பட்ட,நாலந்தா பல்கலைக் கழகத்தில் உலகத்திலிருந்து பல்லாயிரக் கணக்கான மாணவர்கள் மாணவிகள் அங்கு படித்துக் கொண்டிருந்தார்கள். புத்த மதத்தில் பெண்கள் சமய போதகர்களான, பிக்குணிகளாகக் கடமை செய்து கொண்டிருந்தார்கள். புத்தமதத்திலுள்ள சமத்துவ தத்துவங்கள் மற்றக் குழுவினரிடையும் பரவுவதைத் தடுக்க, இந்துசமயவாதிகள் புத்த சமயத்தை,இந்தியாவிலிருந்து கிட்டத்தட்ட அழியப் பண்ணினார்கள். அதேகால ‘மனுதர்ம ஸாஸ்திரம்’மட்டுமல்லாது மகாபாரதம் போன்ற பல புராணங்களும் எழுதப்பட்டாகச் சொல்லப்படுகிறது.புராணங்கள், இதிகாசங்கள் என்பவை பல, பெண்கள்,ஆண்களின்,’சொத்துக்கள்’ என்ற தத்துவங்களையே போதிக்கின்றன. உதாரணமாக, மகாபாரதத்தில் தங்களை மனைவியையே பஞ்சபாண்டவர்கள் சூதாட்டத்திலன் ஒரு பொருளாக வைத்து விளையாடியதைச் சொல்லாம்.
 ஆண்,பெண் என்ற வித்தியாசமின்றிப் பல தமிழ் அறிஞர்கள் சேர்ந்து,’சங்கம் தமிழ் வளர்த்த’ தமிழகத்தில்,இந்து மத ஆதிக்கம் கி.பி. இரண்டாம் நூற்றாண்டில் வேருன்றியதாகச் சொல்லப்படுகிறது. வந்தது. அதைத் தொடர்ந்தது,தமிழ் மொழி கோயில்களில் பாவிக்கக்கூடாத தீண்டாத மொழியானது.இதை எதிர்த்த பக்தி இயக்கம் ஆறாம் நூற்றாண்டில் தோன்றி அறுபத்தி நான்கு நாயன்மாரைத் தோற்றுவித்தது.சைவம் வளர்ந்தது.
கி.பி.பத்தாம் நூற்றாண்டளவில் சைவ சமய சித்தாங்களுடன் சமஸ்கிருதம் ஊடறுவத் தொடங்கியது.
சமஸ்கிருதத்திலுள்ள ஆணாதிக்க சிந்தனைகள் மேலிடம் பெறத் தொடங்கியது.கம்பரால் .இராமயணம்’ தமிழில் எழுதப்பட்டது. கற்புக்கு உதாரணமாகத் தமிழகத்திலிருந்த கண்ணகியின் மகிமை குறைந்தது, கணவனுக்காகத் தீயிலிறங்கிய சீதையின் மாண்பு பரவியது.
புதினைந்தாம் நூற்றாண்டில், அருணகிரிநாதரால் தமிழ். புதியதொரு வடிவம் எடுத்தது அதற்குத் தமிழர்களின் கடவுளாக’முருகனை’ அவர் துதிபாடியதும போற்றியதும் ஒரு காரணமாகும்.
 ‘வைசிந்தாந்தம், பிராமணியத் தத்துவங்களுக்கு அப்பாற்பட்டது. தமிழ் மொழியுடன் ஈடுணைந்தது. எம்மதமும் சம்மதமே,யாதும் ஊரெ யாவரும் கேளிர், சாதி இரண்டொளிய வேறின்ல்லை,சாதிகள் இல்லையடி பாப்பா என்பதெல்லாம் தமிழின் பெருமையான வாசகங்கள்.
ஆனால் இன்று உலகம் பூராவும் வேருன்றும் மதம் சார்ந்த தீவிரவாதங்கள் பெண்களின் அடிப்படை உரிமையை மறுக்கிறது. அவர்களை, அவர்களின் வழிபடும் மதத்தின் கலாச்சார, சமய விளம்பரப் பலகைகளாகக் காட்ட, பெண்களின் உடைகளை அடையாளம் காட்டுகிறது. அவர்களது மேற்கல்வியைத் தடை செய்கிறது. தொழில் வளர்ச்சியில் அவர்களின் பங்கைத் தடைசெய்கிறது.
இலங்கையில், தமிழ்ப் பெண்கள் தாதிமார் கல்விக்குப் போவதை, யாழ்ப்பாணத்திலுள்ள கலாச்சார வெறிபிடித்தவர்கள்  தடைசெய்கிறார்கள். மருத்துவ சேவை மனித நலத்தின் தேவையும் சேவையும் என்ற பாரம்பரியத்தை அறுத்து விடடு,மருத்துவத் தாதிகள் நோயாளிகளான ஆண்களைத் தொட்டுப் பராமரிப்பதால் அவர்கள் ஒழுக்கம் கெட்டவர்களாகப் பார்க்கப் படுவதால், இன்ற யாழ்ப்பாணத்தில் தமிழ்த்தாதிமார் தட்டுப்பாடு மிக மிக அதிள அளவிலுள்ளது. ஆனால்,மத்தியவர்க்கத்திலிருந்து வந்து டாக்டர்களாகப் பணிபுரியும் பெண்களும் ஆண்களைத் தொட்டுத்தான் பராமரிக்கவேண்டும் என்ற நியதியை இவர்கள் கணக்கெடுப்பதில்லை. இதை அங்கு சென்று ஆராய்ந்தபோது, இதன் பின்னணிக் காரணம், மருத்துவத் தாதியாகப் பயிற்சி எடுக்கும் ஏழைப் பெண்கள் . உலகில் எந்தப் பகுதிக்கும் சென்று பொருளாதார ரீதியில் மேம்பாடு பெறுவதைத் தடுக்கவே ‘சாதி.வெறியும். வர்க்க குரூர உணர்வும் படைத்த சிலரால்’ இந்தப் பிரசாரம் மேற்கொள்ளப் படுகிறது என்று தெரியவந்தது.
2.- பாரம்பரிய சமய கலாச்சார விழுமியங்கள்:
இலங்கையில், உள்ள தமிழர்களின் பண்பாடும் கலாச்சாரமும் தென்னிந்தியக் கலாச்சாரத்தைப் பின் பற்றியது.இதில் ஆண்களின் சொல்லும் செயலும் வலிமையாவை. அவர்கள், தேர்ந்தெடுக்கும் வாழ்க்கைமுறையை அவர்களின் மனைவி, குழந்தைகள் பின்பற்றவேண்டும் என்ற எதிர்பார்க்கிறார்கள். பெரும்பாலான பெண்கள் எப்போதும், தங்கள் கலாச்சாரத்தை முன்னிலைப்படுத்தப் படவேண்டியவர்களாக வளர்க்கப் படுகிறார்கள். ஆண்கள் மேற்கத்திய உடைகளைத் தெரிவு செய்யும்போது, ஒரு தமிழ்ப்பெண் அவளது கலாச்சாரத்தைப் பிரதிபலிக்கும், ஆடைகளை அணிய எதிர்பார்க்கப் படுகிறாள். ஆண்கள், விஞ்ஞான பாடங்களைத் தெரிவு செய்யும்போது பெரும்பாலான பெண்கள் கலை. கலாச்சாரம் சார்ந்த பாடங்களைத் தெரிவு செய்ய உந்தப் படுகிறாள்.
3.- பெண்களினின் பங்களிப்பை உதாசினம் செய்யும் அரசியலமைப்புக்கள்.
 சுதந்திரம் பெற்று இன்றுவரை, இலங்கையரசியலின் செல்வாக்கு ஒரு குறிப்;பிட்ட வர்க்கத்தினரின் கையிலிருப்பதால், அவர்களின் நலன் சார்ந்த அரசியலே இன்றும் முன்னெடுக்கப் படுகிறது. தமிழரின் அரசியலாக்கம் என்ற பார்த்தால், மொழிசார்ந்த தமிழரின் போராட்டத்தில், ஒட்டுமொத்த தமிழரின் நலன் பற்றியும் பேசப்படவில்லை. உதாரணமாக, இலங்கைத் தோட்டத் தொழிலாளர்களான இந்திய வம்சாவழியினர் பிரஜாஉரிமை இழப்பதற்குக் காரணமாகவிருந்தவர்களில் தமிழ்த்தலைமையுமொன்று.அங்கு பெண்களின் உழைப்பு உறிஞ்சப் படுவதைக் கண்டும் காணாமலிருந்தவர்கள் வர்க்கசார்பான தமிழ் மேலதிகாரிகள்.
 இலங்கை அரசியல் யாப்பில் சமத்துவத்துற்கான குறிப்புகள் இருந்தாலும். 74 விகிதமான அரசியல்வாதிகள், பெண்களின் சமத்துவ பங்களிப்பை ஒத்துக் கொண்டாலும், பாராளுமன்றத்தில் பெண்களின் தொகை கூடுவதாகவில்லை. ஆட்சியிலும் அதிகாரத்திலும், தங்களால் கட்டுப்படுத்தக் கூடிய தங்கள் குடும்பத்தினர், உறவினர்களான பெண்களுக்கு இடம் கொடுப்பது தொடர்கிறது. ஆளுமையுள்ள பெண்கள் ஒதுக்கப் படுகிறார்கள் அல்லது பல வழிகளாலும் ஒரம் கட்டப்படுகிறார்கள். தமிழ்த் தேசிய அரசில் கூட்டங்களில் பெண்களின் கருத்துக்களுக்கு மதிப்பளிக்கப்படுவதில்லை என்று அவர்களுடன் பணிபுரிந்து. அனுபவம் பெற்ற தமிழ்ப் பெண் பாராளுமன்றவாதிகள் சொல்கிறார்கள்.அரசியற் கட்சியிலிருக்கும்போதும், ஒட்டு மொத்தமாக, இலங்கையிலுள்ள பெரும்பாலான அரசியற் கட்சிகள், தங்கள் கட்சிகளில் செல்வாக்குள்ள பெண்கள், பெண் பாராளுமன்றவாதிகள் பெரும்பாலும், ‘பெண்கள் சம்பந்தப்பட்ட விடயங்கள் மட்டும்’ பேசவேண்டும் என்ற எதிர்பார்க்கப்படுகிறார்கள். ஓட்டுமொத்த, தேசிய அளவிலான,மக்களின் மேம்பாட்டுக்கான திட்டங்களில் பெண்களின் குரல்கள் ஒலிக்காமல், ஆணாதிக்கம் கட்டுப்பாடு போடுகிறது.
ஆண் அரசியல் வாதிகளின் ஆதிக்க தொடர் நிகழ்ச்சிகளுக்கு, பெண்கள் பாவனைப் பொருட்களாக, பகடைக் காய்களாகப் பாவிக்கப் படுகிறார்கள். உதாரணமாக, தமிழ் அரசியல் பிரமுகர்கள். பெண்களை ஏராளமாக அழைத்துவந்து,, உலக தலைவர்களுக்கு முன்னால் ஓலம் போடும் கூட்டமாக்கித் தங்கள் அரசியல் நிலைப் பாட்டைத் தக்கவைத்துக் கொள்கிறார்களே தவிர, அந்தப் பெண்களுடைய துயர்கள் தீர, காணாமற்போன அவர்களின், குழந்தை, கணவர்களைக் கண்டுபுpடிக்கும் வழிமுறைகளில் ஒரு நீண்ட கொள்கைகளோ வழிமுறைகளோ திட்டங்களோ உண்டாக்காமலிருக்கிறார்கள். விதவையான பெண்களுக்காக அரசால். கொடுக்கப்படும் வாழ்வாதார விடயங்கள் பற்றிக் கேட்கப் போகும் பெண்களிடம் அனுதாபம் காட்டாமல். ஆதரவு கொடுத்து உதவாமல், அவர்களிடம் பாலியல்; லஞ்சம்; கேட்கும் உத்தியோகத்தர்கள் பற்றிப் பல கதைகள் எங்கள் சமுதாயத்திலுண்டு.;
4. ஆணாதிக்க சிந்தனைகளை மேன்மைப்புடத்தும் ஊடக-சமுகவலைத்தளங்கள்.
 இவை, பெண்களின் அரசியல் சுயசிந்தனைகளை ஒரம் கட்டுகின்றன. அல்லது அவர்களின் சேவைகளை, செயற்பாட்டு மேம்பாட்டை ஓரம் கட்ட, அவர்களைப் பற்றிய பாலியல் சம்பந்தமான, அலலது தனிப்பட்ட வாழ்க்கை சம்பந்தமான மூன்றாம்தர விடயங்களைக் கையாண்டு, பெண்கள் பொதுப் பணிக்கு வருவதைத் தடுக்க மூர்க்கமான வழிகளைக்கையாள்கிறது.தங்களின் அரசில் நோக்கங்களைக் கேள்விகேட்கும் ஆளுமையான பெண்களை அவமானம் செய்யப் பலவழிகளையும் பாவிக்கிறது.
5. பெண்களிடையே பெண்களின் முன்னேற்றத்தை முன்னெடுக்கும் தலைமைத்துவமற்ற தன்மை.
 சுதந்திரம் பெற்ற காலத்திலிருந்த, குடும்ப நலன், சினேகித,வர்க்க நலன் சார்ந்த, அரசியற் தலைமைகள் தொடர்ந்திருப்பதால் ஒடுக்கப் பட்ட மக்களுக்கும் பெண்களுக்கும் குரல் கொடுக்கும் பெண்களின் தலைமைத்துவம் தலையெடுப்பது முடியாத காரியமாகவிருக்கிறது. இடதுசாரியான திருமதி விவியன் குணவார்த்தனா போன்ற இடதுசாரிப் பெண்கள் ஒருகாலத்தில்,பெண்கள் சமத்துவம், தொழிலாளர் போராட்டங்களில் ஈடுபட்டாலும் காலம் போக்கில் அவர் மாதிரியான பெண்களின் தலைமைத்துவம் அருகிவிட்டது. தமிழ் அரசியலைப் பொறுத்தவரையில், பெண்களை அடக்கி ஒடுக்கி வைக்கும். சாதி. சுமய, சீதனக் கொடுமைகளை எழுதும்,அல்லது அது பற்றிப் பேசும் பெண்கள்; மிகக் குறைவாக இருக்கிறார்கள். அப்படிச் செயற்படுவோரைக் கேவலாமாக்கி எழத என்று ஒரு பிரமாண்டமான தமிழ்ப் பிற்போக்குவாத கூட்டம் தயாராகவிருக்கிறது.
6.பெண்களின் கல்வி நிலை@
 இலங்கையில் எழுதப் படிக்கத் தெரிந்வர்களின் தொகை கூடிக்கொண்டு வந்தாலும் , அதில் விளிம்பு நிலைத்தமிழ்ப் பெண்களான, மலையகம். கிளிநொச்சி, வவுனினியா,மன்னார்ப் பகுதிகளிலிருந்து உயர் படிப்புக்குப் போகும் பெண்களின் தொகை இன்னும் கூடவில்லை. இதற்குப் பலகாரணங்களுள்ளன. அதாவது. குடும்பத்தின் வறுமை நிலை, கிராமத்துப் பாடசாலைகளில், தேவையான ஆசிரியர்கள் பற்றாக்குறை, படிப்பிக்கும் ஆசிரியர்களும் ஏழைமக்களின் கல்வி மேம்பாட்டில் அக்கறையில்லாத் தன்மை என்பன சிலவாகும்.
7. அரசியல் சார்பற்ற பெண்கள் ஸ்தாபனங்களின் பங்கு:
 இலங்கையில், வெளிநாட்டு உதவிகளுடன் பல நூறு அரசில் சார்பற்ற ஸ்தாபனங்கள் வேலை செய்கின்றன. இவர்கள் பெரும்பாலும், நகர்ப்புறங்களில் தங்கள் தலைமையகத்தை வைத்துக்கொண்டு செயல் படுகிறார்கள். அறிக்கைகள் விடுகிறார்கள். அரசியல் வாதி;கள்மாதிரி, அவர்களின் வாழ் காலம் முழுதும், தங்கள் ‘தலைமை’ஸ்தானத்தை இறுக்கிப் பிடித்துக் கொண்டிருக்கிறார்கள். இவர்கள்pன், பெண்களை முன்னேற்றும், மேம்படுத்தும் ஆக்கபூர்வமான செயற்பாடுகளை ஆராய யாரும் முன்வருவத கிடையாது.
பெண்களுக்கான, பாலியல் வன்முறைகள், தொழிலாளர் பிரச்சினைகள், வர்க்கவேறுபாடு.சாதி அடக்கு முறைகள்,இயற்கை அனர்த்தங்களில் பெண்கள் படும் பெரும் துயர்கள் என்று வரும்போது இவர்களால் முன் எடுக்கப் பட்ட போராட்டங்கள், ஆக்கபூர்வமான செயற்பாடுகள் விரல் விட்டு எண்ணத் தக்கவையாகும்.
இன்று பெண்களின் சமத்துவத்திற்கு.சாதி மத,இனபேதமற்ற முன்னேற்றத்திற்கு எடுக்கப் படவேண்டிய செயற்பாடுகள்.
1. சமய ரீதியான தீவரவாதப்போக்குகள்:
பெண்களுக்கெதிராகச் சமயவாதிகள் மெற்கொள்ளும் பிரசாரங்களை முற்போக்குப் பெண்கள் கடுமையாகக் கண்டிக்கவேண்டும்; உதாரணமாக, யாழ்ப்பாண தாதிமார் தட்டுப்பாடு விடயம்
2.பாரம்பரிய கலாச்சார விழுமியங்கள்:
 இவற்றில் பெண்களை ஒடுக்கி அவர்களின் முன்னேற்றத்தைத் தடுக்கும் பகுதிகள் களையப் படவேண்டும்.வர்க்ரீதியாகச் சில மேற்படிப்புக்கள் பெண்களக்கு ஒதுக்கப் படுவதை மீறி. சமுதாயத்திலுள்ள எல்லா பிரிவினருக்கும் உயர்கல்வி கிடைக்க வழி செய்யவேண்டும்.சமுகத்தில் பரவி வரும் சீதனக் கொடுமையை எதிர்த்துப் போராடவேண்டும்
3.அரசியற் கட்சிகளில் கணிசமான பெண்கள் உயர்பகுதிகள் பெறவும் பாராளுமன்றம் செல்லவும் போராடவேண்டும்.
 தமிழ்க் கட்சிகளில் பெண்கள் பங்கும் செயற்பாடும் அதிகரிக்காவிட்டால், தமிழ்ப்பெண்களின் எதிர்கால முன்னேற்றம் பற்றிப் பேசி எந்தப் பிரயோசனமுமில்லை.இந்தக் கருப்பொருளைத் தமிழ்ப் பெண்கள் செயல் வடிவாக்குவது எங்கள் எதிர்கால முன்னேற்றத்திற்கு இன்றியமையாததாகும். புhராளுமன்றத்தில் இன்று 6 விகிதமாகவிருக்கும்,பெண்களின் தொகை குறைந்த பட்சம் 25 விகிதமாகவென்றாலும் இருக்கவேண்டும் என்ற வேண்டுகோளை அரசியல் சக்திகளிடம் வலியுறுத்தவேண்டும்.
4.ஊடக சமுகவலையங்களில் பெண்களின் பங்கு:

 இன்று ஊடக சமுகவலையத் தளங்களிலிருக்கும் பெண்களும் ஆண்களும்; ஒரு குறிப்பிட்ட கூட்டம் எதிர்பார்க்கும்,விடயங்களையே எழுதுகிறார்கள்.முன்னேற்றுகிறார்கள். அவை தாண்டிய பார்வையை, ஊடகத் துறையிலுள்ள பெண்கள்தான் கொண்டு வரவேண்டும். பிறந்த தினக் கொண்டாட்டங்கள், சாமர்த்தியச் சடங்குகளைக் கொண்டாடுவதற்கு மேலாகப் பெண்களின்,கல்வியின் கெட்டித்தனம், விளையாட்டின் முக்கியத்துவம். கலைகளின் விஸ்தரிப்பு என்பவை கொண்டாடப்பட வேண்டும்.

5.பெண்களின் உயர் கல்வி;

 சமுகத்தின் அத்தனை மக்களுக்கும் உயர்தர கல்வி கிடைக்கா விட்டால், ஒரு பகுதி இன்னொரு பகுதியை அடக்கியாளும் தன்மை தொடர்ந்த கொண்டேயிருக்கும். செல்வத்திற் பெரும் செல்வம் கல்விச் செல்வமாகும். இலங்கையில் கல்வி இலவச வேவையாகும். மிகவும் பின் தங்கிய பிரதேச மக்களுக்கான கல்வியில் முன்னேற்றம் வர அரசு நடவடிக்கை எடுக்க சமுக நலவாதிகள், கல்விமான்கள் என்போர் ஒன்றிணைந்து போராடவேண்டும்.
6. பெண்கள் முன்னேற்றத்தில்,அரசியல் சார்பற்ற ஸ்தானங்களின் பங்கு:
 இன்று இலங்கையில் பல அரசியல் மாற்றங்களுக்குப் பின், அரசியல் சார்பற்ற ஸ்தாபனங்களின் பங்கு  அளவிடமுடியாதளவிருக்கிறது.அந்த மாற்றங்களைச் செய்யும் சக்திகள் சமுக மாற்றங்களைச் செய்யவும் வழிமுறைகளைக் கையாளுதல் எதிர்காலத் தமிழ்ச் சமுதாயத்திற்குச் செய்யும் மிகப் பெரிய தொண்டாகும்.
முடிவுரை
இலங்கைத் தமிழ்ப் பெண்களின் முன்னேற்றத்துக்காகப் புலம் பெயர் நாடுகளில் வாழும் முற்போக்குப் பெண்ணிய வாதிகளின் கடமைகள்.

லண்டன் தமிழ் மகளீர் அணியின் சேவைகள்:

ஒடுக்கப் பட்ட இலங்கைத் தமிழ் மக்களுக்காக லண்டனில் செயற்பட்ட தமிழ் மகளிர் அணியின் பணிகள் பற்றி இங்கு குறிப்பிடுவது, தமிழ்ப் பெண்களின் முன்னேற்றத்திறு புலம் பெயர் வாழும் பெண்களால் என்ன சாதிக்க முடியும் என்பதைக் கோடிட்டுக் காட்டுகிறது.:

இலங்கையில்,தமிழர்களுக்கெதிரான அடக்குமுறை,அன்றிருந்த ஐக்கிய தேசியக் கட்சி அரசால் கட்டவிழ்த்து விடப்பட்டுத் தமிழ் மக்கள் பாரதுரமான ஒடுக்குமுறைக்கு முகம் கொடுத்ததை எதிர்த்து,இங்கிலாந்தில் உள்ள தமிழ்ப் பெண்களால் தமிழ் மகளிர் இயக்கம் 1982ம் ஆண்டு தொடங்கப் பட்டு, இலங்கைத் தமிழரின் நிலையை உலகமயப் படுத்த பெரும் பணிகளைச் செய்தது. அந்தப் பணிகளை இங்கிலாந்தில் வாழும் முற்போக்கான தமிழ்ப் பெண்கள் மீண்டுமொருதரம் தொடங்கி,அந்தக் காலத்தில் தமிழ் மகளீர் அணி செய்வதற்குப் பின் குறிப்பிடும் விடயங்களை முன்னெடுப்பது,இன்றைய கால கட்டத்தில மிகவும் அத்தியாவசியமாகப் படுகிறது.
-பெண்கள் தலைமையில், இலங்கையில் நடக்கும் பிரச்சினைகளை ஆராய்வதும் ஆவணங்கள் தயாரித்தலும் மிக முக்கியம்..
–மனித உரிமை ஸ்தாபனங்களுடன் தொடர்பு கொண்டு, பெண்கள், குழந்தைகள் சம்பந்தமான விடயங்களை உடனுக்குடன் பிரபலப்படுத்தி நிவாரணம் தேடுவது.
-இளம் தலைமுறையினருக்கான செமினார்,கலந்துரையாடல்களை வைத்து அவர்களைத் தாய்நாட்டுப் பணியில் ஈடுபடுத்துவது.
– லண்டனில் இருக்கும் பல தரப்பட்ட சிறுபான்மை ஸ்தாபனங்களுடனும் தொடர்புகொண்டு அவர்களின் உதவியை நாடுவது.
– இலங்கைத் தமிழ்ப் பெண்களின் நிலை பற்றி,சிறு பத்திரிகை, வீடியோ போன்ற சமுகவலைத்தளையங்களை ஊக்குவிப்பது.
– இலங்கைப் பெண்களின் முன்னேற்றத்திக்கான வழிகளைத் தேட,பிரித்தானிய பாராளுமன்றவாதிகள். ஐரோப்பிய பாராளுமன்றப் பிரதிநிதிகள், மனித உரிமைவாதிகள்,சமுகநலவாதிகள் என்போருக்கான பொது மகாநாடுகளை ஒழுங்குசெய்தல்.
-தமிழர்கள் வாழும் பல ஐரோப்பிய நாடுகளில் வாழும் முற்போக்கான தமிழ்ப் பெண்களை ஒன்று சேர்த்த அமைப்பை உருவாக்கல்.
-விடுமறைகளில் இலங்கைக்குச் செல்லும், முற்போக்குத் தமிழ்ப் பெண்கள் தங்களால் முடிந்தளவு, கல்வி, பொருளாதாரம், பெண்கள் சுகாதாரம், சுயதொழில் ஆய்வுகள்,பற்றிய செமினார்களைச் பெண்கள் மத்தியில் பரப்புவவை என்பன இன்றைய காலகட்டத்தில் பெண்களக்காகச் செய்யவேண்டிய அளப்பரிய சேவைகளாகம்;.

ஓன்றுபட்ட நாளையை நோக்கி:
தமிழ்பேசும் புலம்பெயர் இலங்கையர் மகாநாடு,
17-18 டிஸம்பர்,2016.லண்டன்

இலங்கையில் பெண்களின் வாழ்வு நிலை-
முக்கியமாக வட கிழக்கு,மலையகப் பிரதேசங்களில் வாழும் தமிழ்ப்; பெண்களின் நிலைகள்

இன்று,இலங்கையில் எங்கள் தமிழ்ச் சமுதாயம்,கடந்த மூன்று தசாப்தங்களாகத் தொடர்ந்த பேரழிவுகள்,இழப்புக்கள்,இன்னல்கள்,எதிர்காலத்தைப் பற்றிய நம்பிக்கையின்மை என்னும் பற்பல காரணிகளால் மிகவும் சோர்ந்துபோன, தொடரும் வலிதாங்கும் தாங்கிகளாக அல்லற்படுகிறது.

தங்கள் சமுதாயத்தின் அவலதிற்குக் காரணமான அரசியல் சக்திகள் துன்பப்படும் தமிழ் மக்களின் துயர்திர மிக மிக அவசியமாகப் பல திட்டங்களைக் கொண்டு வருவது அத்தியாவசியமாக எதிர்பார்க்கப் படுகிறது. ஒரு சமுதாயத்தின், பாதுகாவலார்கள்,சட்டதிட்ட வல்லுனர்கள், கல்வியின் மேம்பாட்டை மட்டுமல்லாது ஒரு ஸ்திரமான எதிர்கால சந்ததிக்கு வழிகாட்டும் கல்விமான்கள், மக்களின் ஆத்மிக வளர்ச்சிக்கும் வாழ்வுக்கும் நல்வழி காட்டும் சமயவாதிகள்,பொதுமக்களின் நலனை ஒரு அரசியல் சார்பற்று அணுகும் பொதுநல ஸ்தாபனங்கள்,ஒரு சமுதாயத்தின் பெருமைக்கு ஆணிவேராகவிருக்கும் அறிவும் ஆற்றலுமுள்ள பெண்ணியவாதிகள் அனைவரும் ஒன்று சேர்ந்து எங்கள் தமிழ்ச்சமுதாயத்தின் ஆளுiமையான செயற்பாடுகளை,மீள்கொண்டுவருவது இன்றைய தலையாய கடமையாக எதிர்பார்க்கப் படுகிறது.

இக்கட்டுரை எழுதுவதன் நோக்கம். இதைப்படிக்கும் ஒரு சிலரரின் சிந்தனையையாவது தட்டி எழுப்பி, அல்லற்படும் எங்கள்; இலங்கைத் தமிழ் ஏழைப் பெண்களின் வாழ்வு மேம்பட ஆக்கபூர்வமாக ஏதும் செய்வார்கள் என்ற நம்பிக்கைதான். ஆதிகாலம் தொடக்கம்,பெண்களின் ஆத்மார்த்தமான சமுதாயப் பணிகள் மற்றவர்களால் மதிக்கப்படும்,ஒடுக்கப் பட்ட பெண்களையும், மற்றவர்களையும் தட்டி எழுப்பும் என்பதைப் பல சரித்திரச் சான்றுகள் எங்களுக்குப் பறை சாற்றுகின்றன.

உலகத்தில். அண்மைக் காலங்களில் கடந்த அரசியல் பொருளாதார, இயற்கை அனர்த்த மாற்றங்;களை ஒரு சமுதாயம் முகம் கொடுக்கும்போது அதில் பாதிக்கப் படுபவர்கள் பெண்களும் குழந்தைகளும் என்பதைப் பலரும் அறிவார்கள். ஆயிரவருடங்கள்; வளர்ந்து திளைத்த சரித்திரம் சட்டென்று வரும் மேற்குறிப்பிட்ட மாற்றங்களால் ஒரு சில மாதங்களில்,அல்லது ஒரு சில நாட்களில் சிதறிப் போவது அவற்றை முகம் கொடுத்த தமிழ் சமுதாயத்திற்குத் தெரிந்த விடயங்கள்.

இந்தச் சிறு கட்டுரை, கடந்த சில தசாப்தங்களாக நடக்கும் பற்பல மாற்றங்களால்,தங்களின்,வாழ்வாதாரம், கல்வி, பாதுகாப்பு. சுயமை என்பற்றை இழந்து நிற்கும் இலங்கையிலுள்ள எங்கள் தமிழ்ப் பெண்களின் பிரச்சினைகளைத் தீர்க்க,அவர்களின்;,வாழ்வாதாரத்தை மீண்டெடு;ப்பதில் அவர்கள் எதிர் நோக்கும் நடைமுறைப் பிரச்சினைகள், அவற்றை நிவர்த்திசெய்ய அல்லது மாற்றியமைக்க உள்ள வழிகள் என்பனவற்றை, ஆராய்கிறது. அதற்கு,முன்னுதாரணமாக, உலகில் பல போராட்டங்களை எதிர்நோக்கிய,பங்கு பற்றிய, பெண்களின் நிலையை முற்போக்குக் கண்ணோட்டத்தில் மாற்றியமைத்த பெண்கள் சம்பந்தப்பட்ட சரித்திரத்தையும் திரும்பிப்பார்க்கிறது..

உலகம்,இன்று பொருளாதார, விஞ்ஞான, ரீதியில் மிகப் பிரமாண்டமான வளர்ச்சியை நோக்கிச் சென்று கொண்டிருக்கிறது. ஆனால், ஓட்டுமொத்த உலக வரலாற்றையும் எடுத்துக்கொண்டால்,இலங்கைத் தமிழ்ப் பெண்கள் மட்டுமல்லாது, பல நாடுகளைச் சேர்ந்த பெண்களின் நிலை,சமத்துவமான விதத்தில் முன்னேற்றம் அடைந்து விட்டதா என்றால் அதற்குச் சட்டென்று,’ஆம்’ என்று பதில் சொல்வதற்குப் பல தடைகள் இருக்கினறன.

-அமெரிக்க சுதந்திரப் போராட்டம்:
உலக அலசியல்,பொருளதாரா.கலாச்சார பெருமாற்றங்களுக்குப் பெண்கள,; ஆண்களுடனும், தனியாகவும் நடத்திய போராட்டங்கள் காரணிகளாக அமைந்தன. பிரித்தானியாவிடமிருந்து சுதந்திரமடைய அமெரிக்க மக்கள் 1776-1783 வரை போராடினார்கள.அக்கால கட்டத்தில், அங்கிருந்த பெண்களும், ஆரம்பத்தில் ஆண்களுடன் சேர்ந்து போர்க்களத்துக்குப் போராளிகளாகப் போகாமல்,இலங்கைத்தமிழ்ப் பெண்கள் மாதிரியே,தங்களின் சுதந்திற்காகப் பல வகைகளிலும் போராடினார்கள்.

ஆனால் கால கட்டம் மாறியபோது,தங்களின் விடுதலைக்காக, இலங்கைத் தமிழ்ப் பெண்கள், ‘விடுதலைப் போரின்’ ஆரம்பகட்டத்தில் பல வழிகளில் தங்களையிணைத்துக் கொண்டதையும் தாண்டி போராளிககளாக மாறினார்கள். அதேபோல.சுதந்திரப்போர் உக்கிரமடைந்தபோது, அமெரிக்கப் பெண்கள் (ஆண்;கள்மாதிரி ஆடையணிந்துகொண்;டு) தங்கள் விடுதலைக்குப் போரடினார்கள் என்று சரித்திரம் சொல்கிறதது.

இலங்கைப் பெண்கள் மிகவும்; பலமான சமய,கலாச்சார,கோட்பாடுகள்,,ஆண்கள்தான் சமுகத்தின் பாதுகாவலர்கள், பெண்கள் அவர்களின் கட்டளையைப் பின்பற்றவேண்டும் என்று மறைமுகமாகப் பின்னிப் பிணைக்கப்பட்ட கலாச்சாரக் கட்டுப்பாட்டுமுறையைக் கொண்டவர்கள்; அந்தக் கட்டுப்பாடுகளையும் தாண்டிவந்த தமிழ்ப்பெண்கள் போர்க் களத்தில் தளபதிகளாக நின்று கடந்த முப்பது ஆண்டுகளாகப் பல இராணுவப் பிரிவுகளில் படையை நடத்திப் போர் புரிந்திருக்கிறார்கள்.

-பிரான்சிய புரட்சி:
தங்களுக்குச் சமத்துவம் தராத இலங்கை அரசுக்கு எதிராகத் தமிழ் மக்கள் திரண்டதுபோல்,தனது ஆடம்பரவாழ்வுக்கான செலவுக்கு அதிக வரிகளைச் செலுத்தவேண்டுமென்று பிரான்சிய பொதுமக்களைக் கொடுமை செய்த மன்னனுக்கெதிராக பிரான்சிய பொதுமக்கள் கொதித்தெழுந்தபோது(1789-99) அதில் கணிசமான அளவிற் கலந்து கொண்டவர்கள் பெண்களாகும். இவர்கள், அந்தக்காலத்தில் மக்களின் விழிப்புணர்ச்சியை ஏற்படுத்தத் தனது எழுத்தைப் பாவித்த முற்போக்குச் சிந்தனையாளர்,ஜீன் ஜக்கியூஸ் றொஸ்ஸொ(தநயn-தயஉஙரளந சழரளளநயர-1712-1778) அவர்களின்,’ மக்களை ஒடுக்கி வைத்திருக்கும் பழையகால அரச,அதிகார முறைகளைத் தூக்கியெறிந்த சமத்துவமான வாழ்க்கைமுறையை’முன்னெடுக்கும் அறிவுரைகளைத் தங்கள் போராட்டிற்குப் பயன் படுத்தினார்கள்.

-இரஷ்ய புரட்சி:
இலங்கைத் தமிழ் மக்கள் தங்களை ஒடுக்கும் அரச ஆதிக்கத்துக்கு எதிராகப் போராடியதுபோல், இரஷ்யாவிலும் அரச ஆதிக்கவர்க்கத்தால் ஒடுக்கப்பட்ட பொதுமக்களும் சோசலிச சமத்துவக் கோட்பாடுகளுடன் போராடி வெற்றி பெற்றார்கள்(1914–1917).இந்தப் போராட்டத்திலும்,250.000பெண்கள் பங்குபற்றினார்கள். போராட்டம் வெற்றி பெற்றதும் பொதுமக்களுக்கான நிர்வாகத்தில். தொழிலில், கல்வியில். துலைமைத்துவத்தில் பெண்களின் பங்கு,சமத்துவமாக இருக்கவேண்டுமென்று, இனஸா ஆர்மென்ட், நடேஷா குருப்ஸகயா( ஐநௌளய யுசஅநவெஇயேனநணாய முசரிளமயலய) போன்ற பெண்ணிய ஆர்வலர்கள் வாதாடினானன்கள்.

-இந்தியப் போராட்டத்தில்,
பங்கு பற்றிய பெண்ணியவாதிகளான, சரோஜினி நாயுடு, பேகம் றொக்கியா போன்றவர்கள் பெண்களின் முன்னேற்றத்திற்காகச் செய்த பணிகள் மாதிரி,இலங்கைத் தமிழ்ப் பெண்களின் முன்னேற்றத்திற்கு இலங்கைப் போராட்டத்தில் ஈடுபட்ட பெண்களால் பெரிதாக ஒன்றம் செய்யமுடியாதிருப்பதற்குப் பல தடைகள் உள்ளன.

-இலங்கையிற் தமிழரின் சாத்வீகப் போராட்டம்
இலங்கைத் தமிழர், இலங்கையரசு தமிழர்களை அடக்குவதை எதிர்த்துச் சத்தியாக்கிரகப் போராட்டத்தை 1956ல் தொடங்கினார்கள். கணிசமான பெண்களும் இதில் பங்கெடுத்தார்கள். ஆனால் அரச ஆதிக்கத்துக்கு எதிரான வல்லமையான ஆயதமாகச் சத்தியாக்கிரகத்தைப் பாவித்த இந்தியாவைப்போல் இலங்கையில் தமிழர் எடுத்த சத்தியாக் கிரகம் வெற்றிபெறாமல்,அரச தந்திரத்தால் முறியடிக்கப்பட்டது.

பெண்களையும் அரசியலையும் எடுத்துக் கொண்டால்,உலகத்திலேயே முதற் பெண்பிரதமராக,திமதி ஸ்ரீமாவோ பண்டாரநாயக்காவை 1960ல் இலங்கை மக்கள் தெரிவு செய்தார்கள்.அந்த விடயத்துக்கும், பெண்கள் இலங்கையில் பல துறைகளிலும் சமத்துவமாக இருக்கிறார்ளா என்று ஆராய்வுக்கும் பல வித்தியாசங்களுண்டு.
-இலங்கையின் அரசியல் யாப்பின்படி, இலங்கையிலுள்ள அத்தனை மக்களும் அவர்களின், சாதி,மத, இன,வயது,பால் வித்தியாசமின்றி சமமாக நடத்தப்படவேண்டும் என்று சொல்லப் படுகிறது.
ஆனால், உலகின் பெரும்பாலான நாடுகளில் நடைமுறையிலிருக்கும் ஆணாதிக்க அதிகாரம் இலங்கையிலுள்ள ஒட்டுமொத்தமாக எல்லாத் துறைகளிலும் பரவியிருப்பதால் பெண்களின் முன்னேற்றம்,முக்கியமாகத் தமிழ்ப் பகுதிகளில் படுமோசமான நிலையில் பாதிக்கப் படுகிறது.

அதிலிருந்து வெளிவருவதற்கு அவர்களுக்குச் சார்பான சட்ட திட்டங்களோ அல்லது அவற்றை நடைமுறைப் படுத்தும் மனோபாவம் உள்ள அரசியல்வாதிகள், சமுகநலவாதிகள்,படித்தவர்கள்,ஊடகங்கள்; என்பன ஆதரவு கெடுக்காததால் பெண்களின் வாழ்க்கை நிலை மிகவும் கீழான நிலையை நோக்கிப் போய்க் கொண்டிருக்கிறது.
இலங்கையில் ஒட்டுமொத்தமாகப் பெண்களின் பொருளாதார, அரசியல் ஈடுபாடுகள் என்பன ஆண்களால்க் கட்டுப் படுத்தப் படுகின்றன.

இலங்கையின் சனத் தொகையில் 51 வீதத்தைக்கொண்ட பெணகள்,இலங்கையின், அரசியலில், 225 அங்கத்தவர்களுள்ள இலங்கைப் பாராளுமன்றத்தில, 6 விதமானவர்களே பெண்கள். தொழிற்துறையில் 34 விகிதமானவர்கள் இருக்கிறார்கள். இவர்களிற் பெரும்பாலோர் கிட்டத்தட்ட70 விகிதமானோர்,துணிச்சாலைகளிலும்,அழகுசாதன நிலையங்களிலும்,இறப்பர்,தேயிலை,தென்னந் தோட்டம் சார்ந்த தொழில்களைச் செய்கிறார்கள்.

பெண்களுக்கான தொழிற் சங்கங்களின் பாதுகாப்பு மிகக் குறைவு. இதையும் விட கிட்டத்தட் 500.000 பெண்கள் மத்தியதரக் கடல் நாடுகளில்,மிகவும் மோசமான சூழ்நிலைகளை முகம் கொடுத்தபடி வேலை செய்கிறார்கள் (2007ம் மனித உரிமைகள் ஸ்தாபன ஆண்டுத் தகவல்);. இவர்களிற் பெரும்பாலோர், ஏழை முஸ்லிம், சிங்களப் பெண்களாகும்.இவர்களால்,பல பில்லியன் பெறுமதியான அந்நிய செலவாணி இலங்கைக்குக் கிடைக்கிறது.

1:-போருக்குப் பின்,தமிழ்ப் பகுதிகளில்,பெண்களின் சமுக, பொருளாதார,கல்வி, தொழில் நிலைகள்.

போர்க்காலத்தில் கிட்டத்தட்ட 36.000 தமிழ்ப் போராளிகள் களத்திலிருந்தார்கள் என்று சொல்லப் பட்டது. இவற்றில் கணிசமான தொகையில் பெண்களும் ஆயதம் எடுத்திருந்தார்கள்.தொடர்ந் போரில், தமிழ்ப் போராளிகள் மட்டுமல்லாது,பல்லாயிரக்கணக்கான பொது மக்களும் இறந்தார்கள். பல்லாயிரம்பேர் அங்கவீனமானார்கள். இழந்த சொத்துக்கள், உடமைகள் மதிப்பீடு செய்ய முடியாதவை.இவற்றில் மிகவும் கொடுமையாகப் பாதிக்கப் பட்டவர்கள் பெண்களும் இளம் குழந்தைகளுமேயாகும்.

தென்னாசிய நாடுகளில், 1980ம் ஆண்டுகள் வரைக்கும் பெண்களின் படிப்பு நிலையும், பெண்கள் உத்தியோகத்திற்குப்போகும் கலாச்சாரமும் வளர்ந்து கொண்டிருந்தது. அக்கால கட்டத்தில், பெண்களுக்கு உயர்கல்வி கொடுக்கும் தென்னாசிய நாடுகளில் இலங்கை முன்னலையிலிருந்தது. பொதுச் சுகாதாரம், குழந்தை நலம்,என்பவற்றிலும் முன்னிலை நாடுகளிலொன்றாகவிருந்தது.
ஆனால், கடந்த முப்பதாண்டுப் போர்ச் சூழ்நிலையில் நடந்த பல மாற்றங்களால், ஒட்டுமொத்த இலங்கையும் பாதிக்கப் பட்டாலும், பெரிய பாதிப்புக்கு முகம் கொடுப்பவர்கள் வடகிழக்கு, மலையகத்தைச் சேர்ந்த தமிழ்ப் பெண்களாகும்.

போருக்குப் பின் எடுத்த கணக்கின்படி வடகிழக்கில் கிட்டத்தட்ட 89.000 பெண்கள் விதவையானார்கள் என்று கணக்கிடப்பட்டது. போரில் கணவனை இழந்ததாலும், போருக்குப் பின் ஒரு சிறு தொகையான துணைவர்கள் அயல் நாடுகளுக்குப் போனதாலும் வடகிழக்கில் 53 விகிதமான குடும்பங்கள் பெண்களின் தலைமையில் நிர்வாகிக்கப்படுகிறது. உழைப்புத் தேடிப் பெண்கள் வெளியிடங்களுக்குப் போவதால் குழந்தைகளின் வாழ்வில் பாதிப்பு ஏற்படுகிறது.

அண்டை நாடான இந்தியா மாதிரி, ஆண்குழந்தைகளை மட்டும் முன்னிலைப்படுத்தாமல், தங்களுக்குப் பிறந்த குழந்தையை அதன் பால் வித்தியாசம் பார்க்காமல் அன்போடும் ஆதரவோடும் பாதுகாப்பது இலங்கையரின் பண்பாடாகும். ஆனால் நடந்து முடிந்த போர்காரணமாக,இன்று நூற்றுக்கணக்கான தமிழ்க் குழந்தைகள் காப்பகங்களிலும்,அனாதை மடங்களிலும் வளர்க்கப் படுகிறார்கள்.தாய் தகப்பன் அன்பும் ஆதரவும் இல்லாமல் வளரும் இவர்களின், வாழ்க்கையின் எதிர்காலம் எப்படியிருக்கும் என்பது அவர்கள் வளர்ந்தபின்தான் தெரியும்.

பெண்களும் சீதனமும்:
இலங்கை,மக்களில் அதிலும் இளம் தலைமுறையினர், பொருளாதாரம் மட்டுமல்லாமல் வேறு பல காரணங்களாலும்;,ஒரு நாளைக்கு கிட்டத் தட்ட,270 பேரளவில் நாட்டை விட்டு வெளியேறுகிறார்கள்.இதில் பெரும்பாலோனானவர்கள் ஆண்கள். அத்துடன், தமிழ்ப் பகுதிகளில், போரில் இறந்த ஆண்கள்,போர் தொடர்ந்த காரணிகளால் உயிர் தப்பவும் அத்துடன்,, பொருளாதார ரீpதியாகப் புலம் பெயர்ந்தவர்கள்,என்ற பல காரணிகளால்,ஆண்களின் எண்ணிக்கை பெண்களின் எண்ணிக்கையைவிடக் குறைவாக இருப்பதால், மாப்பிள்ளைக்குச் சீதனம் கொடுக்க முடியாமல் பல பெண்கள் முது கன்னிகளாக வாழ்கிறார்கள்.வெளிநாட்டில் இருப்போரின் உதவியால் தங்கள் பெண்குழந்தைகளுக்கு வசதியான மாப்பிள்ளை எடுக்கவசதியுள்ளோர் ஒருபக்கமிருக்க, சீதனம் கொடுக்க முடியாத நிலையில் பல குடும்பங்களில் குழப்பங்களும்,வன்முறைகளும் நடக்கின்றன. தனிமைப் பட்ட பெண்கள், தங்கள் வாழ்வுப் பிரச்சனை மட்டுமல்லாத ஆண்களின் பாலியல் தொந்தரவுக்கு உள்ளாவதும் பரவலான முறையில் தொடர்கிறது.

பாலியற் பிரச்சினைகள்:
பெண்களின் தலைமையில் மட்டும் வாழும் குடும்பங்களில் குழந்தைகளின், படிப்பு,மனவளர்ச்சி, ஆரோக்கியமான வாழ்க்கை முறைகள் தடைபடுகின்றன.வெளிநாட்டில் வாழும் தகப்பனின் பாதுகாப்பில்லாமல் தாயின் பாதுகாப்பில் வளர்ந்த புங்கிடுதீவு வித்யா என்ற இளம் பெண் பாலியல் கொடுமை செய்யப் பட்டுக் கொலை செய்தது,பெண்களை மதிக்கத் தெரியாத, தனிமையான பெண்கள்,ஆண்களின் இச்சைக்கு இரையாகவேண்டும் என்ற குரூரமான மனப்பான்மை கொண்ட ஆண்களின் அகங்காரப் போக்கு, தற்போது உடைந்து சிதிலமடைந்திருக்கும் தமிழ்ச்; சமுதாய மாற்றத்தைக் காட்டும் உதாரணங்களில் ஒன்றாகும்.பாலியற் கொடுமைக்காளாகும் பெண்களுக்கு நீதி கொடுக்கவொ, அவர்களைப் பாதுகாகக்கவோ தேவையான சட்ட திட்டங்களளோ, பொறிமுறைகளே இலங்கையில் அரிதாகவிருக்கிறது.

மனஅழுத்தம் சம்பந்தப் பட்ட பிரச்சினைகள்:
பலதரப்பட்ட வாழ்க்கைப் பிரச்சினைகளால். தமிழ்ப்பகுதிகளில், குடிப்பழக்கம் கூடியிருக்கிறது. இதனால் வீட்டில் பெண்களுக்கெதிரான வன்முறைகள் கூடிக்கொண்டு வருகின்றன. அரசியல் பொருளாதார, இயற்கை அனர்த்தம், தனிப்பட்ட வாழ்க்கைப் பிரச்சினை பல காரணிகளால:மனஅழுத்தம் கூடிக்கொண்டுவரும் நாடுகளில் இலங்கையும் ஒன்றாகும்.

இலங்கையில்,100.000க்கு 44.6விகிதமான மனிதர்கள் மன அழுத்தப் பிரச்சினைகளால்
அவதிப்படுகிறார்கள்இதில் பெண்கள் 16.8விகிதமாகும்(2008). அண்மையில் எடுக்கப் பட்ட விபரங்கள் கிடைக்கவில்லை. ஆனாலும் சொல்லுக்கடங்காத,பொருளாதார துயர்களாலும்,அதை நிவர்த்தி செய்ய அவர்களால் தெரிவு செய்யப் பட்டப் பாராளுமன்றப் பிரதிநிதிகளும், மத்திய அரசும் அக்கறை எடுத்து மக்கள் தேவைகளைச் சரியாகக் கவனிக்காததால்,அதனால் ஏற்படும், தனிப்பட்ட. குடும்பப் பிரச்சினைகளால் மக்களிடையே பல மன அழுத்தம் போன்ற வருத்தங்கள் கூடிக்கொண்டு வருகின்றன என்று சொல்லப் படுகிறது. மனநலம் சார்ந்த சுகாதார சேவைகளின் அத்தியாவசியம் கவனிக்கப்படாமல் இருக்கிறது.

பொருhதார அபிவிருத்திவேலைகள்:
எதிர்பார்த்த அளவில் முன்னேறததால், மக்களின் வாழ்க்கை நிலை, ஒட்டுமொத்த இலங்கையினரினதையும்விட மிகவும் தாழ்ந்த நிலையிலிருக்கிறது. வடக்கில், கிட்டத் தட்ட,20.000 மீனவர்கள்;, இந்திய விசைபடகுகளின் ஆக்கிரமிப்பாலும், கடற்படையினரின் தொந்தரவுகளாலும் தங்கள் வாழ்வாதாரத்தைச் சரியாகக் கொண்டு நடத்தமுடியாமற் தவிக்கிறார்கள்.

இலங்கையில் மிகவும் குறைந்தளவான குடும்பச் செலவுக்கு மாதம் 39.000ரூபாய்கள் என்றாலும் தேவையாகவிருக்கிறது. ஆனால் தமிழ்ப் பகுதிகளில் 60 விகிதமான மக்கள்,மாதம் 9.000 மட்டுமே உழைத்துப் பிழைக்கும் மக்களாகவிருக்கிறார்கள். வறுமைக் கோட்டில், வடகிழக்கின் 50 விகிதமான மக்கள் வாழ்கிறார்கள். போசாக்கற்ற தன்மையால் இலங்கைமுழுதும் 29விகிதமான கழந்தைகள் பாதிக்கப்படுகிறார்கள். இதில் கணிசமான தொகையைச் சேர்ந்தவர்கள் குழந்தைகள்.
பொருளாதார நெருக்கடியால் இலங்கையில் 40.000மேற்பட்ட பெண்கள் விபச்சாரத்திலீடுபடுவதாகச் சொல்லப் படுகிறது.வட,கிழக்கில் இந்த நிலைக்குத் தள்ளப்படும் பெண்களின் தொகை அதிகரித்தால் அதில் ஆச்சரியப்படுவதற்கொன்றுமில்லை.

2. மலையகப் பெண்களின் வாழ்க்கை நிலை.
1827ம் ஆண்டு தொடக்கம், தென்னிந்தியப் பகுதிகளான, திருநெல்வேலி, திருச்சி, தஞ்சாவூர்,போன்ற பகுதிகளிலிருந்து கொண்டுவரப்பட்ட ஏழைத் தமிழ்மக்கள், கிட்டத்தட்ட, இருநாறு வருடங்களுக்குப் பின்னும், சாதாரண அடிப்படை வசதிகள் இல்லாமலிருக்கிறார்கள். இந்தியாவிலிருந்த மிகவும் ஏழ்மையான வாழ்க்கைமுறையை மேம்படுத்த வந்த இவர்களின் பரம்பரை இலங்கையில் சுதந்திரம் வந்த பின்னரோ, அவர்களுக்கென்று, பாராளுமன்றப் பிரதிநிதிகள் வந்ததாலோ அல்லது தொழிற்சங்கத் தலைவர்கள் முழங்குவதாலோ ஏதும் பெரிய பயனையடையவில்லை. இலங்கை அரசுக்குத் தேவையான பெருவாரியான அன்னிய செலவாணியை ஈட்டிக்கொடுக்கும் தேயிலை ஏற்றுமதிக்கு உயிர்நாடிகளாள உழைப்பாளிகளை இலங்கை அரசு இன்னும் அன்னியர்களாகவே பார்க்கிறது. அதிலும், தோட்டப்பகுதித் தமிழ்ப்பெண்களின் நிலை, இலங்கை வெட்கப்படுமளவுக்குக் கேவலமாக இருக்கிறது.

இலங்கைச் சனத் தொகையில்,தோட்டத் தொழிலாளரின் தொகை 842.222- .இவர்களில் பெரும்பாலோர் தேயிலைத் தோட்டத்தில் தேயிலைபறிக்கும் பெண்கள். இவர்களின் சம்பளம், ஆண்களின் ஊதியத்தைவி; 20விகிதம் குறைவாக இருக்கிறது. இந்தச் சம்பளத்தையும் ஒரு பெண் பெறமுடியாது. அதை அவளின் கணவரோ, தந்தையோதான் பெரும்பாலும் பெறமுடியம்.

இந்த முறை அந்தக் காலத்தில் இங்கு வந்த இந்தியத் தமிழரிடையே பணவிடயத்தில் பெண்கள் தலையிடக் கூடாத என்ற பாரம்பரியத்தில் வந்த பழக்கமாயிருக்கலாம்.ஆனால் இது இன்னும் தொடர்கிறது.மலையக மக்களின் எழுதப் படிக்கத் தெரிந்தவர்களின் எண்ணிக்கை,76.9 விகிதமாகவிருந்தாலும்,கிட்டத்தட்ட 20 விகிதமானவர்கள் மட்டும் செக்கண்டரி படிப்பு வரைக்கும் போகிறார்கள். அதற்குமேல் படிப்பவர்கள்,2.1 விகிதம் மட்டுமே. இதில் பெண்களின் கல்வி நிலை எந்தளவு இருக்குமென்று கற்பனை செய்யவும்.

தோட்டத் தொழிலாளரின், ஒரு குடும்பத்திற்கு ஒரு அறை என்றவிதத்தில் பிரித்தானியர் கட்டிய இடங்களில்,அடிப்படை வசதிகளுமற்று வாழ்கிறார்கள். பெண்கள், ஆண்கள், சிறியோர், வளர்ந்தோர் என்ற பாகுபாடின்றி ஒரே அறையில் பெரும்பாலாரின் வாழ்க்கை தொடர்கிறது.
மலையக மக்களில் 10 விகிதமானவர்கள் மட்டும் சொந்த இடங்களில் வாழ்கிறார்கள். 13.000 குடும்பங்களுக்கு ‘ஒரு அறை’வசதிகூட இல்லாமல் தற்காலிக குடில்களில் வாழ்கிறார்கள்.

இலங்கை முழுதும் ஒரேவிதமான சுகாதாரக் கோட்பாடுகளைக் கடைபிடிக்கும் இலங்கையில் மலையக மக்களுக்கான சுகாதார சேவை திருப்தியற்றது என்று சொல்லப் படுகிறது.இதனால், அங்கு, பெண்களினதும் குழந்தைகளினதும் சுகாதாரம் மிகவும் மோசமான நிலையில் பாதிக்கப் படுகிறது என்று சொல்லப் படுகிறது.அடிப்படை வசதிகளிலொன்றான நீர்வசதி கிடையாது. மலசலகூடம் பெரும்பாலோருக்கு கிடையாது.இதனால் வரும் நோய்களால் பெண்களும் குழந்தைகளும் அடிக்கடி துன்பப்படுகிறார்கள். சிறு குழந்தைகளின் இறப்புத்தொகை ஒட்டுமொத்த இலங்கையின் சராசரியைவிட இருமடங்காகவிருக்கிறது.ஆண்டாண்டுகளாகத் தொடரும் வறுமையால், இவர்களிடையே போசாக்கற்ற தன்மை அதிகம் காணப்படுகிறது.

ஆண்கள், தலைமைத்துவத்தில் இவர்களின் வாழ்க்கை தொடர்ந்து கொண்டிருப்பதால், பெண்களுக்கென்று எந்த உரிமையும் இங்கே கிடையாது. பெண்கள் உழைப்பை ஆண்கள் தங்கள் தேவைகளான, மது.சீட்டாட்டம் போன்றவற்றில் செலவழிப்பதால் குடும்பங்களில் வன்முறை தொடர்வது நீடித்துக்கொண்டு வருகிறது.
இவர்களது, வாழ்க்கைமுறை, இலங்கைத் தமிழர்கள், சிங்களவர்களினதும் வாழ்க்கை முறைகளைவிட வித்தியாசமானது மட்டுமல்ல ஆண்களின் நிர்வாகத்துடன் மிகவும்,கட்டுப்பாதானகவிருக்கிறது.

இவர்களின் வாழ்க்கை முன்னேற்றத்திற்குச் சில பெண்ணியவாதிகளும், அரசசார்பற்ற நிறுவனங்களும் உதவி செய்கிறார்கள் என்றாலும் அதை விடப் பிரமாண்டமான தேவைகளை நிறைவேற்ற இந்த மக்களில் மிகவும் அக்கறை கொண்ட ஒரு திறமையான அமைப்புத் தேவை.

3.-பெண்கள் இரண்டாம்தரப் பிரஜைகளாக நடத்தப்படுத்துவதற்கான காரணங்கள்:

1.சமய நம்பிக்கைகள்:

இலங்கை மக்கள்,புத்த, இந்து,இஸ்லாம்,கிறிஸ்தவம்; என்று நான்கு சமயங்களையும் சேர்ந்தவர்கள். ஓரு மனிதனின் ஆத்மீக நலனுக்குச் சமயங்கள் மிகவும் இன்றியமையாதவை. ஆனால் பெண்கள் சமத்துவமாக நடத்தப் படவேண்டும் இந்தச் சமயங்கள் சொல்கின்றனவா என்றால் அதற்கு மறுமொழி மிகவும் முன்னுக்குப் பின்னானகளாகத்தானிருக்கும். இந்து சமயத்தைப் பொறுத்தவரையில், இலங்கையில் வாழும் தமிழர்களில் பெரும்பாலோர் ‘இந்து சமயத்தவர்கள்’ என்று சொல்லப் பட்டாலும், அவர்கள் சைவசமயத்தைச் சேர்ந்தவர்கள். இரண்டுக்கும் உள்ள வேறுபாட்டைத் தெரிந்து கொள்ளாவிட்டால் தமிழ்ச் சமுகத்தில் பெண்கள் ஏன் இரண்டாம்தரப் பிரஜைகளாக நடத்தப் படுகிறார்கள் என்ற கேள்விக்குச் சரியான மறு மொழி கிடைப்பது சுலபமல்ல.

ஆதி அந்தமில்லாச் சரித்திரத்தைத் தமிழ்ப் பண்பாட்டுடன் பின்னிப் பிணைத்திருக்கும் சைவசமயம்,ஆணும் பெண்ணும் ஒன்றாகப் பரிணமித்த பெரும் சக்தியான அர்த்த நாரிஸ்வரனான-. முழுமுதற்கடவுளாக வணங்கும் சமயம். தமிழர் பண்பாட்டின் தத்துவரீதியான பல விளக்கங்களை உள்ளடக்கியது.அந்த தத்துவ ரீதயான விளக்கத்தைச் சொல்ல இந்தச் சிறுகட்டுரையில் இடமில்லை. விரும்பினால், எனது, ‘தமிழ்க் கடவுள்’ முருகன் என்ற புத்தகஸ்தைப் புரட்டிப் பாருங்கள்.

பண்டைத் தமிழர் சரித்திரத்தில், மக்கள்; தொழில் முறையில் பிரிந்து வாழ்ந்தார்கள் (ஆதிகாலப் பிரித்தானியாவிலும் பெரும்பாலான நாடுகளில் இன்றும் இருப்பதுபோல்) சமுகத்திற்கு அச்சமுகத்தைச் சேர்ந்த ஒட்டுமொத்த மக்களினதும் உழைப்புத் தேவையாயிருந்தது. அதனால் அந்தக் கால கட்டத்தில் பாகுபாடு இருக்கவில்லை.
ஆனால், இரண்டாம் நூற்றாண்டுக்குப் பின் இந்தியாவின் வடக்கிலிருந்து தெற்குக்குப் பரவி வந்த பிராமணிய சாஸ்திரக் கோட்பாடுகளான வர்ணாஸ்ரமம் தமிழகத்தில் வேருன்றியபின் மக்களிடையே பல பிரிவுகள் உண்டாகின. இதனால் ஒருத்தரை ஒருத்தர்.வர்ணஸ்ரம பாகுபாட்டில் ஆள்மை கொள்ள சமயம் இடம் கொடுத்தது.வர்ணஸ்ரமம் பிராமணியத்தின் கோட்பாட்டுமறைகளுடன் இரண்டறக்கலந்திருப்பதுபோல்,பெண்களை இரண்டாம்தரமாக நடத்துவதும் கலாச்சார நடைமுறையாகிவிட்டது.

தமிழச் சமுகத்தில், பெண்கள் இரண்டாம் தரப் பிரஜை என்பதை நடைமுறைப் படுத்துவதற்கு,கி.மு. இரண்டாம் நூற்றாண்டில் ‘மனு’ என்ற அந்தணரால் எழுதப் பட்ட ‘மனுதர்ம சாஸ்திரம்’ பல கோட்பாடுகளை முன்வைக்கிறது. ஒரு பெண், ஆணின் தேவைகளுக்காகக் கடவுளால் படைக்கப்பட்டவளாகவும் அவள்,ஆளுமையுள்ள ஆண்களின் உடமையாகக் கருதப்படுகிறது. மனிதருக்குத் தேவையான வீட்டுப் பொருட்களைப் பாதுகாப்பதுபோல், பெண்கள்,எப்போதும் அவளின் குடும்பத்தின் ஆணின் பாதுகாப்பிலிருக்கவேண்டும் என்று சொல்கிறது.

பெண் சிறுவயதில் தகப்பனின் பொறுப்பிலும், திருமணமானதும் கணவனின் தயவிலும், விதவையானால் மகனின் தயவிலும் வாழவேண்டுமென்ற மனு தர்ம சாஸ்திரம் சொல்கிறது.பெண்களின் சுயமையை, சுய சிந்தனையை ஆணி வேரிலேயே வெட்டி எடுக்கும் வேலையை அந்த சாஸ்திரம் சொல்கிறது.

இவர் இந்தப் புத்தகம் எழுதும்போது, இந்தியாவில் புத்தமதம் தலையாகவிருந்தது.அந்தச் சமயத்தில் சமய போதகர்களாக ஆண்களும் பெண்களும் (பிக்குணிகள்) நிறைய இருந்தார்கள்.
புத்த மதத்தினரால் அமைக்கப் பட்ட,நாலந்தா பல்கலைக் கழகத்தில் உலகத்திலிருந்து பல்லாயிரக் கணக்கான மாணவர்கள் மாணவிகள் அங்கு படித்துக் கொண்டிருந்தார்கள். புத்த மதத்தில் பெண்கள் சமய போதகர்களான, பிக்குணிகளாகக் கடமை செய்து கொண்டிருந்தார்கள். புத்தமதத்திலுள்ள சமத்துவ தத்துவங்கள் மற்றக் குழுவினரிடையும் பரவுவதைத் தடுக்க, இந்துசமயவாதிகள் புத்த சமயத்தை,இந்தியாவிலிருந்து கிட்டத்தட்ட அழியப் பண்ணினார்கள். அதேகால ‘மனுதர்ம ஸாஸ்திரம்’மட்டுமல்லாது மகாபாரதம் போன்ற பல புராணங்களும் எழுதப்பட்டாகச் சொல்லப்படுகிறது.புராணங்கள், இதிகாசங்கள் என்பவை பல, பெண்கள்,ஆண்களின்,’சொத்துக்கள்’ என்ற தத்துவங்களையே போதிக்கின்றன. உதாரணமாக, மகாபாரதத்தில் தங்களை மனைவியையே பஞ்சபாண்டவர்கள் சூதாட்டத்திலன் ஒரு பொருளாக வைத்து விளையாடியதைச் சொல்லாம்.

ஆண்,பெண் என்ற வித்தியாசமின்றிப் பல தமிழ் அறிஞர்கள் சேர்ந்து,’சங்கம் தமிழ் வளர்த்த’ தமிழகத்தில்,இந்து மத ஆதிக்கம் கி.பி. இரண்டாம் நூற்றாண்டில் வேருன்றியதாகச் சொல்லப்படுகிறது. வந்தது. அதைத் தொடர்ந்தது,தமிழ் மொழி கோயில்களில் பாவிக்கக்கூடாத தீண்டாத மொழியானது.இதை எதிர்த்த பக்தி இயக்கம் ஆறாம் நூற்றாண்டில் தோன்றி அறுபத்தி நான்கு நாயன்மாரைத் தோற்றுவித்தது.சைவம் வளர்ந்தது.

கி.பி.பத்தாம் நூற்றாண்டளவில் சைவ சமய சித்தாங்களுடன் சமஸ்கிருதம் ஊடறுவத் தொடங்கியது.
சமஸ்கிருதத்திலுள்ள ஆணாதிக்க சிந்தனைகள் மேலிடம் பெறத் தொடங்கியது.கம்பரால் .இராமயணம்’ தமிழில் எழுதப்பட்டது. கற்புக்கு உதாரணமாகத் தமிழகத்திலிருந்த கண்ணகியின் மகிமை குறைந்தது, கணவனுக்காகத் தீயிலிறங்கிய சீதையின் மாண்பு பரவியது.
புதினைந்தாம் நூற்றாண்டில், அருணகிரிநாதரால் தமிழ். புதியதொரு வடிவம் எடுத்தது அதற்குத் தமிழர்களின் கடவுளாக’முருகனை’ அவர் துதிபாடியதும போற்றியதும் ஒரு காரணமாகும்.

‘வைசிந்தாந்தம், பிராமணியத் தத்துவங்களுக்கு அப்பாற்பட்டது. தமிழ் மொழியுடன் ஈடுணைந்தது. எம்மதமும் சம்மதமே,யாதும் ஊரெ யாவரும் கேளிர், சாதி இரண்டொளிய வேறின்ல்லை,சாதிகள் இல்லையடி பாப்பா என்பதெல்லாம் தமிழின் பெருமையான வாசகங்கள்.

ஆனால் இன்று உலகம் பூராவும் வேருன்றும் மதம் சார்ந்த தீவிரவாதங்கள் பெண்களின் அடிப்படை உரிமையை மறுக்கிறது. அவர்களை, அவர்களின் வழிபடும் மதத்தின் கலாச்சார, சமய விளம்பரப் பலகைகளாகக் காட்ட, பெண்களின் உடைகளை அடையாளம் காட்டுகிறது. அவர்களது மேற்கல்வியைத் தடை செய்கிறது. தொழில் வளர்ச்சியில் அவர்களின் பங்கைத் தடைசெய்கிறது.

இலங்கையில், தமிழ்ப் பெண்கள் தாதிமார் கல்விக்குப் போவதை, யாழ்ப்பாணத்திலுள்ள கலாச்சார வெறிபிடித்தவர்கள் தடைசெய்கிறார்கள். மருத்துவ சேவை மனித நலத்தின் தேவையும் சேவையும் என்ற பாரம்பரியத்தை அறுத்து விடடு,மருத்துவத் தாதிகள் நோயாளிகளான ஆண்களைத் தொட்டுப் பராமரிப்பதால் அவர்கள் ஒழுக்கம் கெட்டவர்களாகப் பார்க்கப் படுவதால், இன்ற யாழ்ப்பாணத்தில் தமிழ்த்தாதிமார் தட்டுப்பாடு மிக மிக அதிள அளவிலுள்ளது. ஆனால்,மத்தியவர்க்கத்திலிருந்து வந்து டாக்டர்களாகப் பணிபுரியும் பெண்களும் ஆண்களைத் தொட்டுத்தான் பராமரிக்கவேண்டும் என்ற நியதியை இவர்கள் கணக்கெடுப்பதில்லை. இதை அங்கு சென்று ஆராய்ந்தபோது, இதன் பின்னணிக் காரணம், மருத்துவத் தாதியாகப் பயிற்சி எடுக்கும் ஏழைப் பெண்கள் . உலகில் எந்தப் பகுதிக்கும் சென்று பொருளாதார ரீதியில் மேம்பாடு பெறுவதைத் தடுக்கவே ‘சாதி.வெறியும். வர்க்க குரூர உணர்வும் படைத்த சிலரால்’ இந்தப் பிரசாரம் மேற்கொள்ளப் படுகிறது என்று தெரியவந்தது.

2.- பாரம்பரிய சமய கலாச்சார விழுமியங்கள்:
இலங்கையில், உள்ள தமிழர்களின் பண்பாடும் கலாச்சாரமும் தென்னிந்தியக் கலாச்சாரத்தைப் பின் பற்றியது.இதில் ஆண்களின் சொல்லும் செயலும் வலிமையாவை. அவர்கள், தேர்ந்தெடுக்கும் வாழ்க்கைமுறையை அவர்களின் மனைவி, குழந்தைகள் பின்பற்றவேண்டும் என்ற எதிர்பார்க்கிறார்கள். பெரும்பாலான பெண்கள் எப்போதும், தங்கள் கலாச்சாரத்தை முன்னிலைப்படுத்தப் படவேண்டியவர்களாக வளர்க்கப் படுகிறார்கள். ஆண்கள் மேற்கத்திய உடைகளைத் தெரிவு செய்யும்போது, ஒரு தமிழ்ப்பெண் அவளது கலாச்சாரத்தைப் பிரதிபலிக்கும், ஆடைகளை அணிய எதிர்பார்க்கப் படுகிறாள். ஆண்கள், விஞ்ஞான பாடங்களைத் தெரிவு செய்யும்போது பெரும்பாலான பெண்கள் கலை. கலாச்சாரம் சார்ந்த பாடங்களைத் தெரிவு செய்ய உந்தப் படுகிறாள்.

3.- பெண்களினின் பங்களிப்பை உதாசினம் செய்யும் அரசியலமைப்புக்கள்.

சுதந்திரம் பெற்று இன்றுவரை, இலங்கையரசியலின் செல்வாக்கு ஒரு குறிப்;பிட்ட வர்க்கத்தினரின் கையிலிருப்பதால், அவர்களின் நலன் சார்ந்த அரசியலே இன்றும் முன்னெடுக்கப் படுகிறது. தமிழரின் அரசியலாக்கம் என்ற பார்த்தால், மொழிசார்ந்த தமிழரின் போராட்டத்தில், ஒட்டுமொத்த தமிழரின் நலன் பற்றியும் பேசப்படவில்லை. உதாரணமாக, இலங்கைத் தோட்டத் தொழிலாளர்களான இந்திய வம்சாவழியினர் பிரஜாஉரிமை இழப்பதற்குக் காரணமாகவிருந்தவர்களில் தமிழ்த்தலைமையுமொன்று.அங்கு பெண்களின் உழைப்பு உறிஞ்சப் படுவதைக் கண்டும் காணாமலிருந்தவர்கள் வர்க்கசார்பான தமிழ் மேலதிகாரிகள்.

இலங்கை அரசியல் யாப்பில் சமத்துவத்துற்கான குறிப்புகள் இருந்தாலும். 74 விகிதமான அரசியல்வாதிகள், பெண்களின் சமத்துவ பங்களிப்பை ஒத்துக் கொண்டாலும், பாராளுமன்றத்தில் பெண்களின் தொகை கூடுவதாகவில்லை. ஆட்சியிலும் அதிகாரத்திலும், தங்களால் கட்டுப்படுத்தக் கூடிய தங்கள் குடும்பத்தினர், உறவினர்களான பெண்களுக்கு இடம் கொடுப்பது தொடர்கிறது. ஆளுமையுள்ள பெண்கள் ஒதுக்கப் படுகிறார்கள் அல்லது பல வழிகளாலும் ஒரம் கட்டப்படுகிறார்கள். தமிழ்த் தேசிய அரசில் கூட்டங்களில் பெண்களின் கருத்துக்களுக்கு மதிப்பளிக்கப்படுவதில்லை என்று அவர்களுடன் பணிபுரிந்து. அனுபவம் பெற்ற தமிழ்ப் பெண் பாராளுமன்றவாதிகள் சொல்கிறார்கள்.அரசியற் கட்சியிலிருக்கும்போதும், ஒட்டு மொத்தமாக, இலங்கையிலுள்ள பெரும்பாலான அரசியற் கட்சிகள், தங்கள் கட்சிகளில் செல்வாக்குள்ள பெண்கள், பெண் பாராளுமன்றவாதிகள் பெரும்பாலும், ‘பெண்கள் சம்பந்தப்பட்ட விடயங்கள் மட்டும்’ பேசவேண்டும் என்ற எதிர்பார்க்கப்படுகிறார்கள். ஓட்டுமொத்த, தேசிய அளவிலான,மக்களின் மேம்பாட்டுக்கான திட்டங்களில் பெண்களின் குரல்கள் ஒலிக்காமல், ஆணாதிக்கம் கட்டுப்பாடு போடுகிறது.

ஆண் அரசியல் வாதிகளின் ஆதிக்க தொடர் நிகழ்ச்சிகளுக்கு, பெண்கள் பாவனைப் பொருட்களாக, பகடைக் காய்களாகப் பாவிக்கப் படுகிறார்கள். உதாரணமாக, தமிழ் அரசியல் பிரமுகர்கள். பெண்களை ஏராளமாக அழைத்துவந்து,, உலக தலைவர்களுக்கு முன்னால் ஓலம் போடும் கூட்டமாக்கித் தங்கள் அரசியல் நிலைப் பாட்டைத் தக்கவைத்துக் கொள்கிறார்களே தவிர, அந்தப் பெண்களுடைய துயர்கள் தீர, காணாமற்போன அவர்களின், குழந்தை, கணவர்களைக் கண்டுபுpடிக்கும் வழிமுறைகளில் ஒரு நீண்ட கொள்கைகளோ வழிமுறைகளோ திட்டங்களோ உண்டாக்காமலிருக்கிறார்கள். விதவையான பெண்களுக்காக அரசால். கொடுக்கப்படும் வாழ்வாதார விடயங்கள் பற்றிக் கேட்கப் போகும் பெண்களிடம் அனுதாபம் காட்டாமல். ஆதரவு கொடுத்து உதவாமல், அவர்களிடம் பாலியல்; லஞ்சம்; கேட்கும் உத்தியோகத்தர்கள் பற்றிப் பல கதைகள் எங்கள் சமுதாயத்திலுண்டு.;

4. ஆணாதிக்க சிந்தனைகளை மேன்மைப்புடத்தும் ஊடக-சமுகவலைத்தளங்கள்.

இவை, பெண்களின் அரசியல் சுயசிந்தனைகளை ஒரம் கட்டுகின்றன. அல்லது அவர்களின் சேவைகளை, செயற்பாட்டு மேம்பாட்டை ஓரம் கட்ட, அவர்களைப் பற்றிய பாலியல் சம்பந்தமான, அலலது தனிப்பட்ட வாழ்க்கை சம்பந்தமான மூன்றாம்தர விடயங்களைக் கையாண்டு, பெண்கள் பொதுப் பணிக்கு வருவதைத் தடுக்க மூர்க்கமான வழிகளைக்கையாள்கிறது.தங்களின் அரசில் நோக்கங்களைக் கேள்விகேட்கும் ஆளுமையான பெண்களை அவமானம் செய்யப் பலவழிகளையும் பாவிக்கிறது.

5. பெண்களிடையே பெண்களின் முன்னேற்றத்தை முன்னெடுக்கும் தலைமைத்துவமற்ற தன்மை.

சுதந்திரம் பெற்ற காலத்திலிருந்த, குடும்ப நலன், சினேகித,வர்க்க நலன் சார்ந்த, அரசியற் தலைமைகள் தொடர்ந்திருப்பதால் ஒடுக்கப் பட்ட மக்களுக்கும் பெண்களுக்கும் குரல் கொடுக்கும் பெண்களின் தலைமைத்துவம் தலையெடுப்பது முடியாத காரியமாகவிருக்கிறது. இடதுசாரியான திருமதி விவியன் குணவார்த்தனா போன்ற இடதுசாரிப் பெண்கள் ஒருகாலத்தில்,பெண்கள் சமத்துவம், தொழிலாளர் போராட்டங்களில் ஈடுபட்டாலும் காலம் போக்கில் அவர் மாதிரியான பெண்களின் தலைமைத்துவம் அருகிவிட்டது. தமிழ் அரசியலைப் பொறுத்தவரையில், பெண்களை அடக்கி ஒடுக்கி வைக்கும். சாதி. சுமய, சீதனக் கொடுமைகளை எழுதும்,அல்லது அது பற்றிப் பேசும் பெண்கள்; மிகக் குறைவாக இருக்கிறார்கள். அப்படிச் செயற்படுவோரைக் கேவலாமாக்கி எழத என்று ஒரு பிரமாண்டமான தமிழ்ப் பிற்போக்குவாத கூட்டம் தயாராகவிருக்கிறது.

6.பெண்களின் கல்வி நிலை@

இலங்கையில் எழுதப் படிக்கத் தெரிந்வர்களின் தொகை கூடிக்கொண்டு வந்தாலும் , அதில் விளிம்பு நிலைத்தமிழ்ப் பெண்களான, மலையகம். கிளிநொச்சி, வவுனினியா,மன்னார்ப் பகுதிகளிலிருந்து உயர் படிப்புக்குப் போகும் பெண்களின் தொகை இன்னும் கூடவில்லை. இதற்குப் பலகாரணங்களுள்ளன. அதாவது. குடும்பத்தின் வறுமை நிலை, கிராமத்துப் பாடசாலைகளில், தேவையான ஆசிரியர்கள் பற்றாக்குறை, படிப்பிக்கும் ஆசிரியர்களும் ஏழைமக்களின் கல்வி மேம்பாட்டில் அக்கறையில்லாத் தன்மை என்பன சிலவாகும்.

7. அரசியல் சார்பற்ற பெண்கள் ஸ்தாபனங்களின் பங்கு:

இலங்கையில், வெளிநாட்டு உதவிகளுடன் பல நூறு அரசில் சார்பற்ற ஸ்தாபனங்கள் வேலை செய்கின்றன. இவர்கள் பெரும்பாலும், நகர்ப்புறங்களில் தங்கள் தலைமையகத்தை வைத்துக்கொண்டு செயல் படுகிறார்கள். அறிக்கைகள் விடுகிறார்கள். அரசியல் வாதி;கள்மாதிரி, அவர்களின் வாழ் காலம் முழுதும், தங்கள் ‘தலைமை’ஸ்தானத்தை இறுக்கிப் பிடித்துக் கொண்டிருக்கிறார்கள். இவர்கள்pன், பெண்களை முன்னேற்றும், மேம்படுத்தும் ஆக்கபூர்வமான செயற்பாடுகளை ஆராய யாரும் முன்வருவத கிடையாது.
பெண்களுக்கான, பாலியல் வன்முறைகள், தொழிலாளர் பிரச்சினைகள், வர்க்கவேறுபாடு.சாதி அடக்கு முறைகள்,இயற்கை அனர்த்தங்களில் பெண்கள் படும் பெரும் துயர்கள் என்று வரும்போது இவர்களால் முன் எடுக்கப் பட்ட போராட்டங்கள், ஆக்கபூர்வமான செயற்பாடுகள் விரல் விட்டு எண்ணத் தக்கவையாகும்.

இன்று பெண்களின் சமத்துவத்திற்கு.சாதி மத,இனபேதமற்ற முன்னேற்றத்திற்கு எடுக்கப் படவேண்டிய செயற்பாடுகள்.

1. சமய ரீதியான தீவரவாதப்போக்குகள்:
பெண்களுக்கெதிராகச் சமயவாதிகள் மெற்கொள்ளும் பிரசாரங்களை முற்போக்குப் பெண்கள் கடுமையாகக் கண்டிக்கவேண்டும்; உதாரணமாக, யாழ்ப்பாண தாதிமார் தட்டுப்பாடு விடயம்

2.பாரம்பரிய கலாச்சார விழுமியங்கள்:

இவற்றில் பெண்களை ஒடுக்கி அவர்களின் முன்னேற்றத்தைத் தடுக்கும் பகுதிகள் களையப் படவேண்டும்.வர்க்ரீதியாகச் சில மேற்படிப்புக்கள் பெண்களக்கு ஒதுக்கப் படுவதை மீறி. சமுதாயத்திலுள்ள எல்லா பிரிவினருக்கும் உயர்கல்வி கிடைக்க வழி செய்யவேண்டும்.சமுகத்தில் பரவி வரும் சீதனக் கொடுமையை எதிர்த்துப் போராடவேண்டும்

3.அரசியற் கட்சிகளில் கணிசமான பெண்கள் உயர்பகுதிகள் பெறவும் பாராளுமன்றம் செல்லவும் போராடவேண்டும்.

தமிழ்க் கட்சிகளில் பெண்கள் பங்கும் செயற்பாடும் அதிகரிக்காவிட்டால், தமிழ்ப்பெண்களின் எதிர்கால முன்னேற்றம் பற்றிப் பேசி எந்தப் பிரயோசனமுமில்லை.இந்தக் கருப்பொருளைத் தமிழ்ப் பெண்கள் செயல் வடிவாக்குவது எங்கள் எதிர்கால முன்னேற்றத்திற்கு இன்றியமையாததாகும். புhராளுமன்றத்தில் இன்று 6 விகிதமாகவிருக்கும்,பெண்களின் தொகை குறைந்த பட்சம் 25 விகிதமாகவென்றாலும் இருக்கவேண்டும் என்ற வேண்டுகோளை அரசியல் சக்திகளிடம் வலியுறுத்தவேண்டும்.

4.ஊடக சமுகவலையங்களில் பெண்களின் பங்கு:

இன்று ஊடக சமுகவலையத் தளங்களிலிருக்கும் பெண்களும் ஆண்களும்; ஒரு குறிப்பிட்ட கூட்டம் எதிர்பார்க்கும்,விடயங்களையே எழுதுகிறார்கள்.முன்னேற்றுகிறார்கள். அவை தாண்டிய பார்வையை, ஊடகத் துறையிலுள்ள பெண்கள்தான் கொண்டு வரவேண்டும். பிறந்த தினக் கொண்டாட்டங்கள், சாமர்த்தியச் சடங்குகளைக் கொண்டாடுவதற்கு மேலாகப் பெண்களின்,கல்வியின் கெட்டித்தனம், விளையாட்டின் முக்கியத்துவம். கலைகளின் விஸ்தரிப்பு என்பவை கொண்டாடப்பட வேண்டும்.

5.பெண்களின் உயர் கல்வி;

சமுகத்தின் அத்தனை மக்களுக்கும் உயர்தர கல்வி கிடைக்கா விட்டால், ஒரு பகுதி இன்னொரு பகுதியை அடக்கியாளும் தன்மை தொடர்ந்த கொண்டேயிருக்கும். செல்வத்திற் பெரும் செல்வம் கல்விச் செல்வமாகும். இலங்கையில் கல்வி இலவச வேவையாகும். மிகவும் பின் தங்கிய பிரதேச மக்களுக்கான கல்வியில் முன்னேற்றம் வர அரசு நடவடிக்கை எடுக்க சமுக நலவாதிகள், கல்விமான்கள் என்போர் ஒன்றிணைந்து போராடவேண்டும்.

6. பெண்கள் முன்னேற்றத்தில்,அரசியல் சார்பற்ற ஸ்தானங்களின் பங்கு:

இன்று இலங்கையில் பல அரசியல் மாற்றங்களுக்குப் பின், அரசியல் சார்பற்ற ஸ்தாபனங்களின் பங்கு அளவிடமுடியாதளவிருக்கிறது.அந்த மாற்றங்களைச் செய்யும் சக்திகள் சமுக மாற்றங்களைச் செய்யவும் வழிமுறைகளைக் கையாளுதல் எதிர்காலத் தமிழ்ச் சமுதாயத்திற்குச் செய்யும் மிகப் பெரிய தொண்டாகும்.

முடிவுரை

இலங்கைத் தமிழ்ப் பெண்களின் முன்னேற்றத்துக்காகப் புலம் பெயர் நாடுகளில் வாழும் முற்போக்குப் பெண்ணிய வாதிகளின் கடமைகள்.

லண்டன் தமிழ் மகளீர் அணியின் சேவைகள்:

ஒடுக்கப் பட்ட இலங்கைத் தமிழ் மக்களுக்காக லண்டனில் செயற்பட்ட தமிழ் மகளிர் அணியின் பணிகள் பற்றி இங்கு குறிப்பிடுவது, தமிழ்ப் பெண்களின் முன்னேற்றத்திறு புலம் பெயர் வாழும் பெண்களால் என்ன சாதிக்க முடியும் என்பதைக் கோடிட்டுக் காட்டுகிறது.:

இலங்கையில்,தமிழர்களுக்கெதிரான அடக்குமுறை,அன்றிருந்த ஐக்கிய தேசியக் கட்சி அரசால் கட்டவிழ்த்து விடப்பட்டுத் தமிழ் மக்கள் பாரதுரமான ஒடுக்குமுறைக்கு முகம் கொடுத்ததை எதிர்த்து,இங்கிலாந்தில் உள்ள தமிழ்ப் பெண்களால் தமிழ் மகளிர் இயக்கம் 1982ம் ஆண்டு தொடங்கப் பட்டு, இலங்கைத் தமிழரின் நிலையை உலகமயப் படுத்த பெரும் பணிகளைச் செய்தது. அந்தப் பணிகளை இங்கிலாந்தில் வாழும் முற்போக்கான தமிழ்ப் பெண்கள் மீண்டுமொருதரம் தொடங்கி,அந்தக் காலத்தில் தமிழ் மகளீர் அணி செய்வதற்குப் பின் குறிப்பிடும் விடயங்களை முன்னெடுப்பது,இன்றைய கால கட்டத்தில மிகவும் அத்தியாவசியமாகப் படுகிறது.

-பெண்கள் தலைமையில், இலங்கையில் நடக்கும் பிரச்சினைகளை ஆராய்வதும் ஆவணங்கள் தயாரித்தலும் மிக முக்கியம்..
–மனித உரிமை ஸ்தாபனங்களுடன் தொடர்பு கொண்டு, பெண்கள், குழந்தைகள் சம்பந்தமான விடயங்களை உடனுக்குடன் பிரபலப்படுத்தி நிவாரணம் தேடுவது.
-இளம் தலைமுறையினருக்கான செமினார்,கலந்துரையாடல்களை வைத்து அவர்களைத் தாய்நாட்டுப் பணியில் ஈடுபடுத்துவது.
– லண்டனில் இருக்கும் பல தரப்பட்ட சிறுபான்மை ஸ்தாபனங்களுடனும் தொடர்புகொண்டு அவர்களின் உதவியை நாடுவது.
– இலங்கைத் தமிழ்ப் பெண்களின் நிலை பற்றி,சிறு பத்திரிகை, வீடியோ போன்ற சமுகவலைத்தளையங்களை ஊக்குவிப்பது.
– இலங்கைப் பெண்களின் முன்னேற்றத்திக்கான வழிகளைத் தேட,பிரித்தானிய பாராளுமன்றவாதிகள். ஐரோப்பிய பாராளுமன்றப் பிரதிநிதிகள், மனித உரிமைவாதிகள்,சமுகநலவாதிகள் என்போருக்கான பொது மகாநாடுகளை ஒழுங்குசெய்தல்.
-தமிழர்கள் வாழும் பல ஐரோப்பிய நாடுகளில் வாழும் முற்போக்கான தமிழ்ப் பெண்களை ஒன்று சேர்த்த அமைப்பை உருவாக்கல்.

-விடுமறைகளில் இலங்கைக்குச் செல்லும், முற்போக்குத் தமிழ்ப் பெண்கள் தங்களால் முடிந்தளவு, கல்வி, பொருளாதாரம், பெண்கள் சுகாதாரம், சுயதொழில் ஆய்வுகள்,பற்றிய செமினார்களைச் பெண்கள் மத்தியில் பரப்புவவை என்பன இன்றைய காலகட்டத்தில் பெண்களக்காகச் செய்யவேண்டிய அளப்பரிய சேவைகளாகம்;.

This entry was posted in Tamil Articles. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s